LEXO PA REKLAMA!

SHKARKO APP

137 fluturimet e Ramës me çarter/ Berisha: Rama e ka përdorur avionin për qëllime të dyshimta

20 Janar 2023, 12:44, Politikë CNA

137 fluturimet e Ramës me çarter/ Berisha: Rama e ka përdorur

Kreu i PD-së, Sali Berisha, ka lëshuar akuza ndaj kryeministrit Edi Rama, duke e akuzuar për bllokim të komisionit hetimor, në lidhje me udhëtimet e tij me çarter.

“Çfarë ndodh me kërkesën e 36 deputetëve për 137 udhëtimet me çarter të Edi Ramës? Pse pengohet? Si mund të pengohet?

Nuk ka ndodhur dhe nuk mund të ndodhë kurrrë.

Edi Rama ka vendosur ta bllokojë komisionin.

Ky është një akt i pashembullt. Edi Rama ka tmerr nga hetimi i atyre udhëtimeve. Jo vetëm nga shuma përrallore që është shpenzuar nga taksapaguesit më të varfër”, është shprehur Berisha.

Sipas tij, ka dyshime të forta për destinacionet dhe përdorimin e avionit.

“Ka dyshime shumë të forta. Unë mund t’ju them vetëm që importet nga Kolumbia janë rritur 60 herë dy vitet e fundit. A ka një paralelizëm me fluturimet e ‘Ismailit’? Asgjë nuk është e sigurt, por rumori zien se avioni është përdorur për qëllime të tjera.

Vetëm hetimi është rruga për transparencën e këtyre hetimeve. Nuk ka kryeministër në Europë, nuk ka. Presidenti i SHBA-së kishte bërë 70 fluturime në 4 apo 8 vite. Dhe kur u diskutua njëherë kjo çështje, tha kushton kaq ky fluturimi im. Edhe në vendin më të pasur të botës ka një llogari, kurse ‘Ismaili’ i Ramës rri më shumë në ajër se në tokë.

137 fluturime! Nuk ka ndodhur kurrë. Po të marrim të gjithë kryeministrat e Ballkanit bashkë, edhe atë të Greqisë, janë më pak se fluturimet e Edi Ramës”, është shprehur Berisha./CNA.al

Lajmet e fundit nga