web counter
LEXO PA REKLAMA!

SHKARKO APP

App Store
Google Play

E fundit!

x

Hetimet ndaj Veliajt/ Berisha: Në garazhin e Ajola Xoxës u gjetën 300 mijë euro

27 Janar 2025, 14:10, Politikë CNA

Hetimet ndaj Veliajt/ Berisha: Në garazhin e Ajola Xoxës u gjetën

Ish-kryeministri Sali Berisha gjatë konferencës me gazetarët ka deklaruar se në garazhin e Ajola Xoxës janë gjetur 300 mijë euro nga kontrolli i fundit i BKH-së.

Ai tha se apartamenti sekret i çiftit Veliaj-Xoxa ishte regjistruar në emër të Dabullëve.

“Në garazhin e Ajola Xoxës janë gjetur 300 mijë euro. Apartamenti i tyre sekret ishte në emër të Dabullëve.

Së fundmi, dua të informoj qytetarët se në kontrollin e fundit që iu bë Velicës, minierë floriri është.

Po! Në garazh u gjetën 300 mijë euro të fjetura aty.

Dhe ai apartamenti top sekret ishte i regjistruar në emër të Dabullëve, Albanit apo Besnikut, sqarojeni vetë ju.

Pra, apartamenti top sekret i Lalë Vjedhësit dhe Velicës në Sky Tower ishte i regjistruar në emrin e Dabullëve, merreni me mend ju sa pasuri kanë ata me Dabullët, me krahun politik të hakmarrjes për drejtësi.

Dabullët me dokumente janë krahu politik i hakmarrjes për drejtësi. Janë Dabullët që dërgonin arka me minerale kur e kërkonin Shytët, etj. Pra, janë gjetur 300 mijë euro, u regjistruan apo nuk u regjistruan, këtë nuk mund të vë dorën në zjarr. A janë shënuar në procesverbale apo jo dhe a janë marrë në sekuestrim, këtë nuk e di. Sepse ndodh prore që ata që i shohin edhe i përvetësojnë ose ia lënë të zotit.

Ka ndodhur.Sa erdhën me Toyota Yaris? 5 milionë, 3.2 milionë janë shënuar aty. 1.8 milionë u vodhën pa dalë nga porti.

Pra, 300 mijë u gjetën në kasafortën sekrete të Velicës. Kasaforta gjendej në garazh. Këto kisha unë dhe shumë të tjera do ketë në ditët në vijim”, tha Berisha./ CNA





Lajmet e fundit nga