web counter
LEXO PA REKLAMA!

SHKARKO APP

App Store
Google Play

E fundit!

x

Berisha: Një kryetar dege që nuk jep dorëheqjen, nuk mund të hyjë në primare

27 Janar 2025, 14:02, Politikë CNA

Berisha: Një kryetar dege që nuk jep dorëheqjen, nuk mund të

Kreu i Partisë Demokratike, Sali Berisha, në një konferencë me gazetarët e ka bërë të qartë se një kryetar dege nëse nuk jep dorëheqjen nga detyra nuk mund të bëhet pjesë e garës së primareve.

Ai tha se rregullorja është gati dhe do të ketë diskutime për këtë.

“Rregullorja është bërë gati. Diskutim do ketë për këtë. Ka tri variante.

Ka një variant që të jenë degësh. Ka një variant tjetër që të jenë qarku. Ka një propozim që të jenë listë kombëtare.

Tani, të them të vërtetën, secili variant ka argumentet dhe pluset e veta. Por lista kombëtare, e cila tingëllon bukur, ka një problem se aplikohet në një sistem që është rajonal dhe jo kombëtar.

Por, unë nuk marr përsipër të anësoj nga asnjëri variant, veçse do diskutohen variantet dhe do vendoset varianti më logjik.

Rregullorja është përpunuar... Në pamje të parë, po më shtyn të prononcohem. Sigurisht lista kombëtare është listë kombëtare, por gjersa sistemi është rajonal unë besoj se je i detyruar të respektosh sistemin rajonal.

A mund të shartohen dhe të përdoret votë e dyfishtë? Nuk mund ta them këtë, duhet ta mendojmë me ekspertë dhe specialistë...

Mesa di unë kanë dhënë dorëheqjen 5 kryetarë degësh dhe kjo nuk është një shifër përfundimtare.

Dhe kjo përbën një detyrim statutor në mënyrë që dega e PD, votimi dhe të gjitha të jenë distante me të gjithë kandidatët.

Një kryetar dege që nuk jep dorëheqjen, nuk mund të hyjë në primare. Kryetari i degës që duhet të hyjë në primare, duhet të respektojë statutin.

Kryetari i degës plotëson çdo kriter për të qenë kandidat dhe deputet, por ai ka detyrimin të respektojë statutin dhe të hyjë në garë, ndërkohë drejtimi i partisë merret nga një person i komanduar, i cili si rregull duhet të jetë nënkryetar se zgjedhje nuk bëhen dot tani”, tha Berisha./ CNA





Lajmet e fundit nga