web counter
LEXO PA REKLAMA!

SHKARKO APP

App Store
Google Play

E fundit!

x

"Situata në Shqipëri është emergjente"/ Noka, në Bruksel: Kemi në krye një narko-kryeministër

26 Janar 2025, 15:45, Politikë CNA
"Situata në Shqipëri është emergjente"/ Noka,
Sekretari i përgjithshëm i Partisë Demokratike, Flamur Noka

Sekretari i përgjithshëm i Partisë Demokratike, Flamur Noka ka zhvilluar një takim me qytetarët shqiptarë në Bruksel në kuadër të zgjedhjeve paralamentare të 11 majit.

Gjatë fjalës së tij, Noka u shpreh se gjendja e Shqipërisë është emergjente pasi në krye nuk është një kryeministër siç është në çdo vend tjetër europian, por një narko-kryeministër dhe një narko-qeveri.

Për ikjen masive të të rinjve dhe jo vetëm, Noka u shpreh se kjo është pasojë e mosmbajtjes së premtimeve nga ana e Edi Ramës.

Ndërkaq, Noka theksoi se Rama premtoi 300 mijë vende, por shqiptarët u larguan dhe janë shpërndarë sa në Belgjikë, Francë, Itali e Angli.

Ai foli edhe për rendin e sigurinë në vend, për të cilën tha se janë zëvendësuar me bandat dhe krimin e organizuar.

"Për çdo qytetar që ndodhet në qytetet e tjera të Belgjikës, po ju themi se ju diaspora jeni shpresa jonë për ndryshimin.  Gjendja në Shqipëri është emergjente, ju i keni ndjekur të gjitha zhvillimet. Duke trajtuar hallet dhe problemet e shoqërisë sonë ne do të mundemi të ndërtojmë një rrugë shprese. Ne s’kemi një kryeministër, ne kemi një narkokryeministër dhe një narkoqeveri. Një njeri që premtoi dhe çdo premtim e shndërroi në mashtrim. Për kaq vite largoi shqiptarët nga tokat e tyre dhe synimi i tij është shkatërrimi i Shqipërisë dhe ka për qëllim ta rikthejë vendin tonë një tokë eksperimentale për Sorosin. Në 2013 premtoi 300 mijë vende pune, sot 1 milionë e 100 mijë prej nesh janë në vende të ndryshme të Europës. Rendi dhe siguria në Shqipërijnë tonë e zëvendësoi me bandat dhe me krimin e organizuar. Drejtori i policisë sonë është përfaqësuesi i mafias."/CNA





Lajmet e fundit nga