web counter
LEXO PA REKLAMA!

SHKARKO APP

App Store
Google Play

E fundit!

x

Krijimi i një Banke Shtetërore/ Tabaku, akuza qeverisë: Piramidë e re mbi shpinën e qytetarëve

27 Janar 2025, 12:47, Politikë CNA
Krijimi i një Banke Shtetërore/ Tabaku, akuza qeverisë:
Deputetja Jorida Tabaku

Deputetja Jorida Tabaku ka hedhur akuza ndaj qeverisë se po kërkon të krijojë një Bankë Shtetërore e cila sipas saj është një skemë falimentimi.

Tabaku deklaron se kjo nismë e qeverisë është për të financuar projekte të dështuara si inceneratorët dhe për të ngritur një piramidë mbi shpinën e qytetarëve.

Sipas deputetes kjo qeveri po ndërton një firmë piramidale shtetërore me rrezik të madh për financat.

“Banka Shtetërore është skema falimentit!

Në Shqipërinë  2025, ku qeveria ka kapur çdo hallkë të shtetit, tani po shfaqet një tjetër projekt absurd: krijimi i një Banke Shtetërore.

Po, e lexuat saktë! Në një vend ku sektori bankar privat është ndër më të zhvilluarit në rajon, qeveria ka vendosur të ndërhyjë aty ku nuk ka vend. Dhe përse? Për të ushqyer një tjetër mekanizëm klientelist, për të financuar projekte të dështuara si inceneratorët, për të krijuar një piramidë të re mbi shpinën e qytetarëve.

Pse një bankë shtetërore? Pse tani? Kur kemi privatizuar të gjithë sektorin bankar 15 vite më parë dhe kur bankat private kanë arritur standarde të larta, çfarë mund të bëjë kjo bankë që sektori privat nuk e bën? Përgjigjja është e thjeshtë: një bankë që nuk është për zhvillimin e qytetarëve, por për interesat e oligarkëve që kërkojnë një tjetër mekanizëm për të shtrydhur fondet publike.

1. Financim për të paprekshmit: Kur bankat private refuzojnë të japin kredi për projekte të rrezikshme apo kompani pa garanci, Banka Shtetërore do jetë aty. Për inceneratorët. Për “miqtë.” Për skemat e mëdha që dështojnë.

2. Rrënimi ekonomisë: Çdo dështim i kësaj banke do të thotë humbje e fondeve publike, dhe në fund kush paguan? Ju, qytetarët, që sot luftoni për të mbijetuar mes taksave dhe inflacionit.

3. Kapja totale e shtetit: Pasi kanë privatizuar portet, aeroportet, dhe kanë dhënë me koncesion çdo gjë që ka vlerë, tani kërkojnë të futen në sistemin bankar – sektori i vetëm që funksionon pa ndërhyrje shtetërore. Kjo është një grabitje ekonomike, e bërë hapur.

Ajo që po ndodh nuk është zhvillim, është megallomani dhe abuzim me pushtetin. Kjo qeveri po ndërton një “firmë piramidale shtetërore” me rrezik të madh për financat tona. Nga historia e dimë ku na çojnë skemat e tilla. Dhe nuk mund të lejojmë që kjo të ndodhë përsëri!”, shkruan Tabaku./ CNA





Lajmet e fundit nga