E fundit!

21:02 Aktualitet

Vrasja e efektivit/ Klodiana Lala: Duhet hetim i thelluar, kemi një dëshmor por asnjë dorëheqje

Gazetarja Klodiana Lala ka deklaruar se duhet një hetim i ...

"Gjirokastritët po mësojnë spanjisht"/ Shehu: Kumbaro po e kthen qytetin në një kotec spanjoll për motive fitimi

9 Shtator 2025, 18:02, Politikë CNA

"Gjirokastritët po mësojnë spanjisht"/ Shehu: Kumbaro

Deputeti i Partisë Demokratike, Tritan Shehu në një postim në rrjetet sociale ka ironizuar deklaratën e ministres së Turizmit dhe Mjedisit, Mirela Kumbaro në Konferencën e Ambasadorëve ku foli për turizmin në vend e specifikisht për qarkun e Gjirokastrës.

Kumbaro iu drejtua të pranishmëve duke thënë:

"Në Gjirokastër për shembull... mos qeshni! Bizneset private po interesohen të mësojnë spanjisht sepse shikojnë një rritje të kësaj lloj klientele sepse është rezultat i ambasadorëve bio."

Deputeti Shehu shprehet se Kumbaro po tallet me gjirokastritët dhe e akuzon ministren si përgjegjëse të braktisjes së qytetit dhe qarkut, e për shkatërrimin e ekonomisë si dhe për rënien e numrit të studentëve në universitetin e këtij qyteti.

Për Shehun kjo po bëhet për qëllime financiare dhe është papërgjegjshmëri dhe cinizëm.

"Lubi Kumbaro tallet me gjirokastritët, tashmë do t’u mësojë spanjisht!!

Çuditë me këta të Rilindjes nuk paskan fund…

Në Konferencën e ambasadorëve sot, Lubija deklaron se gjirokastritëve po u mëson spanjisht!

Mbas i e katandisi Gjirokastrën e qarkun me më pak se gjysmën e popullsisë…

Mbas i shkatërroi ekonominë e përzuri institucionet prej andej.

Mbas i mbylli e po mbyll ambulancat e spitalet e qarkut.

Mbas i mbushi Vjosën me fekale dhe mbeturina…

Tashmë deklaron se do t’u mësojë gjirokastritëve spanjisht!

Në fakt, mbas i mbylli edhe shkollat ku ata fëmijë të paktë të mbetur tashmë kanë probleme edhe me mësimin e shqipes!

E veçanërisht mbasi po zhduk edhe atë universitet shumë të rëndësishëm të Gjirokastrës, krenari të saj.

Duke e zëvendësuar me një “kotec” spanjoll online, thjesht për fitime financiare, pa asnjë vlerë për Gjirokastrën, qarkun e vendin…

Deklaron se gjirokastritët do të mësojnë spanjisht. Papërgjegjshmëri e cinizëm të thellë ky, shkruan Shehu në reagimin e tij./CNA