web counter
LEXO PA REKLAMA!

SHKARKO APP

App Store
Google Play

E fundit!

x

Gjekmarkaj i thur lavde Bardhit/ “Ka merita, po punon për bashkimin e PD-së”

13 Qershor 2023, 15:54, Politikë CNA
Gjekmarkaj i thur lavde Bardhit/ “Ka merita, po punon për bashkimin e
Deputeti i PD-së, Agron Gjekmarkaj

Deputeti i PD-së, Agron Gjekmarkaj, i ka thurur lavde kreut të grupit të vulës, Gazment Bardhit, teksa foli për zgjedhjet e 29 korrikut.

Gjekmarkaj është shprehur se situata në PD është me rrezik dhe se mund të degradojë në një pikë pa kthim.

Ai pretendon se në këtë situatë që është krijuar në PD, merita ka vetëm Bardhi.

Sipas tij, Bardhi po bën një përpjekje për t’u dhënë kohë që të ndalen ose të gjejnë zgjidhje që çon drejt bashkimit.

“Situata në PD më dhemb shumë dhe e shoh me dëshpërim që faktorë që do duhej të ishin zgjidhje, janë fasadë… Berisha dhe Basha. Kjo do të çojë në një pikë pa kthim, sepse nëse gjykojmë mënyrën si po sillen, shoh që do kemi një miniparti që tenton Basha ta marrë me artifica, është gati një puç.

Bardhi ka meritë që po bën një përpjekje për t’u dhënë kohë që të ndalen ose të gjejnë zgjidhje që çon drejt bashkimit.

Basha natën e sulmit pas mbledhjes së Kryesisë bëri në tentativë një mini 8 janar. Nëse Berisha e bëri në mënyrë më tragjike, ky e bëri natën në mënyrë komike, duke dëshmuar dhe përmasën e tij para Berishës, dhe në gjëra të këqija. Nëse Basha merr asgjënë, një gjë me pak njerëz, me më shumë institucione se anëtarë, është shërbim që i bëhet pushtetit.

Basha po tenton të bëj puç me 7-8 veta, ose me 20 veta në gjithë Shqipërinë. Ndërsa Berisha ka shpallur që nuk lëviz, dhe kemi dy bunkerë! Nëse bëhen zgjedhje në 29 korrik, atëherë është një puç i vogël, puç i ndyrë”, u shpreh deputeti./ CNA.al





Lajmet e fundit nga