web counter
LEXO PA REKLAMA!

SHKARKO APP

App Store
Google Play

E fundit!

x

Ekskluzive- Sot KAS regjistron PD-në e vulës në zgjedhje

16 Mars 2023, 08:15, Politikë CNA
Ekskluzive- Sot KAS regjistron PD-në e vulës në zgjedhje
Foto ilustruese

PD-ja e vulës, e cila është nën drejtimin e të komanduarit Enkelejd Alibeaj, por me Bashën kryetar, i cili figuron ende në gjykatë, do të regjistrohet sot nga KAS-i për të marrë pjesë në zgjedhjet e 14 majit.

CNA ka mësuar nga burime zyrtare pranë KAS se tre nga pesë anëtarët e kësaj strukture do të votojnë pro regjistrimit të Enkelejd Alibeajt, pra Partisë Demokratike të vulës në zgjedhjet lokale.

Sipas të njëjtave burime mësohet se Enkelejd Alibeaj do të njihet si përfaqësues i Partisë Demokratike dhe kjo forcë do të jetë PD-ja që do të përfshihet në zgjedhjet lokale të majit 2023.

KQZ fillimisht nuk e regjistroi Partinë e Alibeajt dhe Lulzim Bashës duke kërkuar që kreu zyrtar i PD-së, që figuron në Gjykatë, i cili është Lulzim Basha, të paraqiste një dokument të firmosur prej tij në datën e saktë të zgjedhjeve dhe të rifreskonte delegimin që i kishte bërë Enkelejd Alibeajt duke e kthyer pas regjistrimin e kësaj partie.

Por ishte KAS më pas, i cili e riktheu tek Ilirjan Celibashi ankimimin që bëri Alibeaj në këtë strukturë duke theksuar se drejtuesi i KQZ-së duhet të dilte me një vendim.

Pas daljes të vendimit është kryer ankimimi në KAS dhe pritet që gjatë ditës së sotme zyrtarisht, Alibeaj dhe Partia Demokratike e Vulës me Lulzim Bashën kryetar në Gjykatë, të regjistrohen për zgjedhjet vendore të majit 2023./ CNA.al

 





Lajmet e fundit nga