web counter
LEXO PA REKLAMA!

SHKARKO APP

App Store
Google Play

Basha mban peng regjistrimin e PD-së në zgjedhje/ Alibeaj "lojë fjalësh"

10 Mars 2023, 19:45, Politikë CNA
Basha mban peng regjistrimin e PD-së në zgjedhje/ Alibeaj
Enkelejd Alibeaj

Enkelejd Alibeaj i grupit të vulës është përgjigjur për kërkesën e kreut të KQZ-së, Ilirjan Celibashi, i cili i vuri kusht Lulzim Bashës të plotësojë dokumentacionin për regjistrimin e PD-së në zgjedhje si kryetar zyrtar i kësaj partie.

Pas mbledhjes me 10 deputetët dhe 4 anëtarët e Kryesisë, Alibeaj tha për mediat se PD do të ndjekë të gjitha procedurat e regjistrimit, por pa dorëzuar dokumenta shtesë.

Kjo pasi ai pretendon se i gjithë dokumentacioni që përfaqësuesit e grupit të tij kanë dërguar në KQZ është i plotë.

“PD do të ndjekë të gjitha procedurat. Gjithë dokumentacioni i dorëzuar është në përputhje të plotë. PD do të regjistrohet, do marrë pjesë në zgjedhje. Nuk do të dërgojmë asnjë dokument në KQZ. E kemi bërë me dije dje. Nuk ka i madh dhe i vogël që nuk e di që Basha ka dhënë dorëheqjen. Është një fakt publik ky tashmë. Do të nisim thjesht një sqarim pranë KQZ. ”, u shpreh Alibeaj, duke bërë kështu "lojë fjalësh".

Ndërkohë, kujtojmë se kreu i KQZ, Ilirjan Celibashi i dha dje 48 orë kohë Lulzim Bashës si kryetar zyrtar të PD-së të plotësojë dokumentacionin për regjistrimin e PD-së.

Kjo pasi vetë Basha nuk e ka dhënë asnjëherë zyrtarisht dorëheqjen, ndonëse e deklaroi publikisht me zë e figurë se do ta bënte atë një vit më parë./ CNA.al





Lajmet e fundit nga