E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

"Shtet i atij që s'thuhet"/ Manjani nuk përmbahet: Po burgosni dhe largoni qytetarët

15 Mars 2023, 21:18, Politikë CNA

"Shtet i atij që s'thuhet"/ Manjani nuk përmbahet: Po

Ish-ministri i Drejtësisë, Ylli Manjani ka reaguar pas ngjarjes në Shkodër ku u arrestua nëna që para 8 ditësh lindi fëmijën e saj të dytë me akuzën e braktisjes së fëmijës së saj gjatë lindjes së parë.

Me nota ironizuese, Manjani i është drejtuar presidentin Bajram Begaj, si “Bajram Efendiu” dhe e ka këshilluar që të lexojë Kushtetutën , e më pas të falë zonjën.

Ironitë nuk i ka kursyer si përherë as për ambasadoren Yuri Kim, ose sikurse ai përherë i drejtohet si Sude, duke i treguar se reforma e saj ka dështuar.

Ndër të tjera ai shtoi se nuk ka më nerva t’i bëj thirrje publike Ulsi Manjës, ministrit të Drejtësië, për të bërë punën e vet.

Manjani tha se çdo orë që zonja kalon në burg është akuzë e rëndë për këtë shtet kriminel.

"Shtet i atij që s'thuhet

Nuk kam ndërmend të recitoj vjershën rutinë të dhimbjes që shkakton burgimi një një nëne të re me fëmijë 10 ditësh.

Nuk kam ndërmend as ti kërkoj Bajram Efendiut të lexojë Kushtetutën e të falë zonjën. Ka harxhuar shumë energji duke kërkuar eskorta protokollare në perëndim, aty ku shtetasit e tij kërkojnë azil!!!

As ti kujtoj kompetencën ligjore apo të ftoj të bëjë detyrën publike Ulsi Manjës, skam ndërmend.

As me gjykatësit që mbajnë leksione nëpër salla hotelesh, ndryshe nga sa vendosin në sallat e gjyqit,nuk kam më nerva të harxhoj.

Me fytyrën dhe sjelljen ç'njerzore e deri edhe fashiste të drejtësisë së reformuar jam marrë mjaftueshëm dhe nuk kam ç'ti shtoj më. Ata përditë provojnë ato që kam thënë.

Le pastaj të merrem me Suden e rrugës së Elbasanit, reforma e të cilës po jep frute të tilla.. Ja sa bukur po ecën reforma.

Yttt!

As të merrem me OJQ(entë) që shqyejnë fonde ende për të drejtat e grave e fëmijëve, nuk kam ndërmend.

Jam lodhur me këto gjëra.

Natyrisht do kisha patur shumë dëshirë që i nderuari Ismail Kadare, të bënte një hap shumë më të vogël për nënën e re të burgosur, sesa ç'bëri para disa vitesh për Nazime Vishën. Për këtë të fundit unë kam qenë zyrtarisht mbështetës i propozimit të Kadaresë.

Ne e falëm Nazimen, e cila mbahej në burg për shuuuuum më shumë sesa gjoba e papaguar e nënës së re!!

Po nejse. Këto gjëra nuk bëhen me të kërkuar.

Ama për një gjë jam i bindur si shumë të tjerë, se ky shtet nuk e do shtetasit e vet. Ky shtet i burgos dhe i largon shtetasit e vet.

Ky shtet kriminalizon me zor shtetasit e tij.

Çdo orë që zonja kalon në burg është akuzë e rëndë për këtë shtet kriminel", shkruan ai./CNA.al