Celibashi nuk regjistron PD-në në zgjedhje/ Basha të përmbushë detyrimet

14 Mars 2023, 17:11, Politikë CNA

Celibashi nuk regjistron PD-në në zgjedhje/ Basha të

Kreu i KQZ-së, Ilirjan Celibashi ka deklaruar se PD-ja e Alibeajt nuk do të regjistrohet në zgjedhje.

Celibashi u shpreh se Partia Demokratike e Enkelejd Alibeajt nuk mund të regjistrohet si subjekt zgjedhor në zgjedhjet e 14 majit dhe i ka kërkuar Lulzim Bashës i cili konfiguron ende si kryetar i PD-së të firmosë dhe të përmbushë detyrimet.

"Në vlerësimin tim ky pretendim nuk ka asnjë bazë lifjore por bie dhe në kontradiktë me veporimet e bëra nga ana juaj, si i autorizuari nga zoti Basha. Kur është rasti për të legjitimuar kërkesën tuaj për regjistrimin e PD-së si subjekt zgjedhor nga ana juaj kundrejt pretendimit të zotit Sali Berisha, ju sillni si provë faktin që kundërshtuar juridik sipas të cilit është zoti Basha kryetar. Kur ju kujtoj që Basha si kryetar duhet të përmbushë detyrimet që kodi zgjedhor i cakton, atëherë ju thoni që zoti Basha ka dhënë dorëheqjen dhe që ky është një fakt i njohur botërisht. Sipas jush, autorizimi i Enkelejd Alibeajt është në përputhje me ligjin. Mund të themi që deklarata të nënshkruhet edhe nga nënkryetari, por vetëm në kushtet kur kryetari i partisë nuk është në detyrë, ka dhënë dorëheqjen apo ka humbur interesin politik. Por duhen depozituar njoftimet përkatëse. Vendimet e mundshme që tregojnë se kompetenca e kryetarit i ka kaluar një personi tjetër. Në fakt Basha ka dhënë dorëheqjen që nga marsi i vitit 2022. Në drejtim të Bashës nuk ka asnjë detyrim ligjor për ta formalizuar këtë dorëheqje, por organet e tjera drejtuese që mendojnë se mund të marrin funksionet e kryetarit, duhet të depoizitoni njoftimin sipas të cili kryetari apo ish-kryetari, Si ligji për partitë politike ashtu edhe kodi zgjedhor nuk e detyrojnë një person që kur jep dorëheqjen të zgjedhë pasardhësin. Në kushtet kur në regjistrin e partive nuk është bërë regjistrimi i Bashës, Alibeaj mund të pranohet se i ushtron disa kompetenca, por nuk pranohet kurrsesi që ai i ushtron të jgitha kompetencat. Ndaj në kushtet kur deklarata nuk është. Kërkesa e Partisë Demokratike nuk ka bazë ligjore dhe nuk pranohet. Partia Demokratike nuk mund të regjistrohet si subjekt zgjedhor në zgjedhjet e 14 majit. Vendimarrje e marrë terësisht e bazuar në fakte. Nuk ka asnjë interes politik, përë të përmbushur detyrimet”, tha ai.

Kujtojmë se KQZ-ja qartë i ka kërkuar Lulzim Bashës të rifirmosë apo të rideklarohet si kryetar i PD-së pas qëndrimeve të mbajtura nga Gjykata apo siç figuron në regjistrin e kësaj të fundit dhe i la një afat prej 48 orësh që të firmoste dokumentin./CNA.al