web counter
LEXO PA REKLAMA!

SHKARKO APP

App Store
Google Play

E fundit!

x

Grupi i vulës, teatër me regjistrimin e PD-së/ Ivi Kaso: Rama do i fusë në zgjedhje prej veshi

13 Mars 2023, 22:37, Politikë CNA
Grupi i vulës, teatër me regjistrimin e PD-së/ Ivi Kaso: Rama do
Ivi Kaso, sekretari i PD-së për çështjet zgjedhore

Grupi i vulës  nuk pranon të dorëzojë dokumentacionin e plotë në KQZ për tu regjistruar në zgjedhjet e 14 majit.

Sjelljen e tyre dhe qëndrimet e kryeministrit Edi Rama për këtë çështje i ka analizuar mbrëmjen e sotme Ivi Kaso, sekretari i PD-së për çështjet zgjedhore.

Kaso tha në një intervistë me ish-deputeten Duma se PD e vulës e di çfarë rezultati do të kenë në zgjedhje, por pretendon se Rama nuk do t’i lejojë ata të bëjnë sipas mendjes së tyre.

Sekretari për çështjet zgjedhore deklaroi se Rama do e fusë prej veshi fraksionin e vulës në zgjedhje.

“Ne kemi denoncuar prej kohësh atë që nuk mund të quhet plan i fshehtë i kryeministrit por që është si drita e diellit. Rama vetë e ka zgjedhur një opozitë të tillë, atë më të dobëtën.

Unë nuk jam nga ata që fajin e kërkoj te të tjerët, por nuk mund të rri pa thënë se gjërat që kryeministri bën gjëra të palejueshme në këtë vend. Kjo është në dritë të diellit dhe nuk mund të rri pa e thënë. Interesi i kryeministrit sot është të diktojë opozitën dhe prej veshi ta marrë dhe ta fusë në zgjedhje.

Fraksioni i vulës po bën gjithçka që kanë në dorën e tyre se e dinë si do përkthehet në votë, dëm mbi dëm në karrierën e tyre personale, në raportin e tyre mbi demokratët, por kanë detyrime për ata që i dhanë votën. Do t’i shlyejnë detyrimet ata. Prandaj thotë ai si Çeçua. Do futen si Çeçua”, theksoi Kaso./ CNA.al





Lajmet e fundit nga