web counter
LEXO PA REKLAMA!

SHKARKO APP

App Store
Google Play

“Rama sot u mposht”/ Ngjela: Duhet mbajtur nën kontroll

13 Mars 2023, 21:13, Politikë CNA

“Rama sot u mposht”/ Ngjela: Duhet mbajtur nën kontroll

Avokati Spartak Ngjela ka reaguar pas deklaratës së kryeministrit Edi Rama për rishikimin e pagave, të cilat duhet të rriten.

Me anë të një statusi në rrjetet sociale, Ngjela e shikon si mposhtje këtë qëndrim të kreut të qeverisë, për të cilin deklaron se sot “hoqi dorë nga skema për shpopullimin e Shqipërisë”.

Ai thekson se tashmë duhet kujdes për lartësimin e rrogave deri në nivelet e Perëndimit, dhe se kryeministri duhet mbajtur nën kontrollin e Uashingtonit, Londrës dhe Berlinit.

“Kryeministri i Shqipërisë sot, u mposht, ai pranoi rritjen e rrogave shtetërore dhe hoqi dorë nga skema e tj për shpopullimin e Shqipërisë.

Gjithçka po ecën drejt Shqipërisë si shtet i të gjithë shqiptarëve.

Kjo do të jetë historia e shpejtë e Shqipërisë dhe të gjithë shqiptarëve në Ballkanin Perëndimor.

Një nga arsyet e shpopullimit të Shqipërisë kanë qenë rrogat qesharake të aplikuara në Shqipëri.

Sigurisht që kjo ka qenë një skemë e pushtuesve të territoreve shqiptare, por kryeministri shqiptar sot, me shpirt nëpër dhëmbë, e pranoi rritjen e pagave. Dhe skema e Beogradit, Athinës dhe Moskës për pagat e ulëta në Shqipëri, pësoi goditjen historike.

Tani duhet kujdes për lartësimin e rrogave deri në nivelet e Perëndimit, dhe kryeministri  duhet mbajtur nën kontrollin e Uashingtonit, Londrës dhe Berlinit.

Në të vërtetë kjo, rritja e pagave duhej të ishte rruga e domosdoshme për rikrijimin e Shqipërisë me mirëqenie të barabartë me Evropën Perëndimore. Kjo e ndalon emigracionin masiv, sigurisht.

Të shohim se sa do të vendoset me ligj rroga minimale në Shqipëri, e cila, sipas të gjitha studimeve, duhet të jetë 1000 dollarë.

Po e presim...”, shkruan avokati./ CNA.al





Lajmet e fundit nga