web counter
LEXO PA REKLAMA!

SHKARKO APP

App Store
Google Play

E fundit!

x

Regjistrimi i PD-së në zgjedhje/ Avokati i Alibeajt, sërish akuza Celibashit

13 Mars 2023, 16:13, Politikë CNA
Regjistrimi i PD-së në zgjedhje/ Avokati i Alibeajt, sërish akuza
Indrit Sefa, përfaqësuesi ligjor i grupit të vulës

Kreu i KQZ-së, Ilirjan Celibashi i la afat 48 orë Lulzim Bashës si kryetar zyrtar i PD-së që të plotësojë dokumentacionin për regjistrimin e Partisë Demokratike në zgjedhje.

Por ky vendim u ankimua nga Enkelejd Alibeaj në KAS. Komisioni i Ankimimeve dhe Sanksioneve nuk pranoi të shqyrtojë ankimimin dhe e ktheu sërish çështjen në KQZ.

Për këtë ka folur për mediat Indrit Sefa, përfaqësuesi ligjor i grupit të vulës. Sefa akuzoi Celibashin se po shpërdoron detyrën dhe po shkel ligjin duke mbajtur qëndrime politike.

“Vendimi konfirmoi pretendimin tonë që Komisioneri është jashtë afatit ligjor për të marrë afat përfundimtar. Komisioneri duhet të merrte vendim përfundimtar për të regjistruar PD-në në zgjedhje. Është në shkelje të afateve dhe ka bërë shpërdorim detyre. Komisioneri po cënon PD-në dhe po shkel afatet proceduriale të përcaktuara. I bëj thirrje komisionerit që në një kohë sa më të shkurtër të marrë në shqyrtim kërkesën e PD-së për tu regjistruar. Çdo moment që kalon është në shkelje të dispozitave ligjore dhe Kodit Zgjedhor. Komisioneri ka mbajtur qëndrime politike, është larg procedurës, ka bërë ndërhyrje në përcaktimin e rezultatit. I bëj thirrje që të marrë në konsideratë kërkesën e PD-së. Kjo është vendimmarrja e KAS, komisioneri ka disa orë që e ka në tavolinë dhe duhet të marrë masa të menjëhershme.

Unë si përfaqësues ligjor i PD-së s’kam ende njoftim zyrtar. Komisioneri duhet të na dërgojë rendin e ditës. Qëndrimi jonë është i qartë, kemi dërguar që dokumentacioni është i plotë dhe duhet të jetë bazë për regjistrimin e PD-së. Interpretimet janë personale. Vendimmarrja e komisionerit tregon se s’ka bazë ligjore për pretendimet ligjore. Unë flas zyrtarisht me KQZ, s’është çështje e individit por si kryetar partie. Ka praktika të ngjashme që e referojnë këtë pjesë”, tha ai ndër të tjera./ CNA.al





Lajmet e fundit nga