web counter
LEXO PA REKLAMA!

SHKARKO APP

App Store
Google Play

“Vuçiç, një ultranacionalist i verbër”/ Berisha: Nuk lejon asociacionin e komunave shqiptare

13 Mars 2023, 12:21, Politikë CNA
“Vuçiç, një ultranacionalist i verbër”/
Kreu i PD-së, Sali Berisha

Kreu i PD-së, Sali Berisha, ka dënuar qëndrimin e Presidentit Aleksandër Vuçiç për asociacionin e komunave shqiptare.

Berisha në një deklaratë për mediat është shprehur se Vuçiç përdor metoda të dënueshme të spastrimit etnik.

Kreu i demokratëve thekson se me urdhër të Vuçiçit po çregjistrohen shqiptarët e Medvegjës apo Preshevës.  

“Vuçiç është një ultranacionalist i verbër serb, që nuk respekton asnjë parim të Kushtetutës së vendit të tij, të Konventës Europiane të të Drejtave të Njeriut.

Në një deklaratë të papërgjegjshme, kërkesës së shqiptarëve në Serbi, për një asociacion të komunave shqiptare, u është përgjigjur me një deklaratë që do ta kishte lakmi edhe Gebëlsi po të ishte gjallë.

Ai, të drejtën e qytetarëve të lirë kudo në Europë, për të pasur në përputhje me Kushtetutën e vendit të tyre, e quajti marrëzi.

Marrëzi nuk mund të jetë kurrë e drejta e qytetarëve për asociacion. Nuk mund të pretendosh kurrë për një standard për bashkëkombësit e tu, të cilin nuk ua njeh qytetarëve të etnive të tjera.

Të gjitha pakicat mund të kenë shoqatat e tyre në përputhje me Kushtetutën, por Vuçiç e quan marrëzi këtë sepse përdor metodat më të dënueshme spastrimit në Medvegjë, Bujanoc dhe Preshevë.

Përdor metodat e çregjistrimit të detyruar, sa herë që postieri u troket në derë dhe nuk gjen njeri për të marrë lekët, paçka se i zoti i shtëpisë u vjen në dyqan duke bërë pazare. I çregjistron nga Gjendja Civile në mënyrën më absurde.

Por regjistri më i fundit dëshmoi se në këto komuna u regjistruan 130 mijë. Po të mos kishte manipuluar në mënyrë të paskrupullt dhe po të mos kishte ndjekur politika të qarta të spastrimit etnik të shqiptarëve, ky numër sot do të shkonte 170 deri në 200 mijë”, tha Berisha./ CNA.al





Lajmet e fundit nga