web counter
LEXO PA REKLAMA!

SHKARKO APP

App Store
Google Play

E fundit!

x

“Krimi po ju rrezikon jetën çdo ditë”/ Meta, thirrje qytetarëve pas atentatit në “Don Bosko”

13 Mars 2023, 07:34, Politikë CNA

“Krimi po ju rrezikon jetën çdo ditë”/ Meta,

Nga atentati i djeshëm në zonën e “Don Boskos” në kryeqytet, humbi jetën 60-vjeçarja Mimoza Paja, u plagosën 5 persona të tjerë, si dhe u dëmtua nga ciflat e xhamave një e mitur 10-vjeçare.

Lidhur me ngjarjen e rëndë ka reaguar kreu i PL-së, Ilir Meta, i cili në rrjetet sociale shkruan se kriminelët lëvizin lirshëm në rrugët e Tiranës dhe rrezikojnë çdo ditë jetën e qytetarëve.

Meta thekson se qeveria nuk ka bërë asgjë për ndalimin e kriminalitetit dhe rritjen e sigurisë për qytetarët.

“Pa kaluar dy javë nga vrasja makabër e tre grave të pafajshme krimi godet sërish, kësaj radhe duke rrezikuar në mënyrë ekstreme jetën e njerëzve të pafajshëm në lagjen e Don Boskos.

Kriminelët lëvizin lirshëm në rrugët e Tiranës dhe rrezikojnë çdo ditë jetën e qytetarëve.

Kjo situatë e rendit dhe sigurisë publike, që përkeqësohet çdo ditë dhe çdo orë tregon qartë se qeverisja e rilindjes ka dështuar totalisht dhe e ka futur vendin në kaos.

Qeveria nuk ka bërë asgjë për ndalimin e kriminalitetit, rritjen e sigurisë dhe parandalimin e veprave kriminale ndaj të cilave po ekspozohen të pambrojtur qytetarët shqiptarë.

Qytetet tona meritojne dhe kërkojne siguri, që qeveria e inkriminuar rilindase j'ua ka mohuar për shkak të kapjes së saj nga krimi.

Ndaj të ngrihemi të gjithë në këmbë për të realizuar Ndryshimin, që mbron qytetarët dhe familjet e tyre nga krimi”, shkruan Ilir Meta./CNA.al

“Krimi po ju rrezikon jetën çdo ditë”/ Meta,





Lajmet e fundit nga