web counter
LEXO PA REKLAMA!

SHKARKO APP

App Store
Google Play

E fundit!

x

Problematikat në zonën e Freskut/ Meta “shigjeton” Veliajn

12 Mars 2023, 14:37, Politikë CNA
Problematikat në zonën e Freskut/ Meta “shigjeton” Veliajn
Kryetari i Partisë së Lirisë, Ilir Meta

Kryetari i Partisë së Lirisë, Ilir Meta, së bashku me Silva Cakën dhe aktivistë të rinj të LRI-së kanë vizituar zonën e Freskut ku qytetarët kanë treguar se gjenden në një situatë shumë të vështirë sa i përket infrastukturës, mungesës së kanalizimeve apo përkeqësimit të situatës me ujin e pijshëm.

Përmes një postimi në rrjetet sociale, Meta ka shigjetuar kryetarin e bashkisë, Erion Veliajn, duke thënë se nëse drejtuesit bashkiakë do të fokusoheshin te puna e tyre dhe jo te propaganda, këto problematika do të kishin zgjidhje.

“Bashkë me znj. Silva Caka dhe me disa aktivistë të rinj nga LRI vizituam sot zonën e njohur si “Fresku”.

Kjo lagje e re e Tiranës është kthyer në një qytet brenda qytetit, por infrastruktura e saj nuk u përgjigjet nevojave të banorëve.

Qytetarët që takova më treguan për problematikat e përditshme me të cilat ata përballen e që do të zgjidheshin thjesht, po të kishte drejtues bashkiakë që fokusohen te puna dhe jo vetëm te propaganda.

Rrugë të ngushta e të shkatërruara, mungesa e kanalizimeve, mungesa e trotuareve, pamundësia për parkimin e makinave, çerdhe e kopshte me kapacitet të ulët, që nuk iu përgjigjen nevojave të zonës, si dhe përkeqësimi i situatës me ujin, që s'mund të pihet më, kërkojnë zgjidhje nga ekipi ynë që do votohet në 14 Maj për të sjellë Ndryshimin”, shkruan Meta./ CNA.al





Lajmet e fundit nga