web counter
LEXO PA REKLAMA!

SHKARKO APP

App Store
Google Play

E fundit!

x

Zgjedhjet e 14 majit/ Skadon afati për PD-në e vulës, sot KAS cakton relatorët për ankimimin e Berishës dhe Alibeajt

12 Mars 2023, 08:52, Politikë CNA
Zgjedhjet e 14 majit/ Skadon afati për PD-në e vulës, sot KAS
Foto ilustruese

Afati prej 48 orësh i vendosur nga kreu i KQZ-së, Ilirjan Celibashi, për PD-në e vulës, për të dorëzuar dokumentacionin e plotë, ka përfunduar.

Ende pa u plotësuar afati Enkelejd Alibeaj nxitoi t’i drejtohej KAS-it, duke ankimuar vendimin e KQ-së.

Të njëjtin akt ka bërë edhe kreu i PD-së, Sali Berisha, duke ankimuar në Komisionin e Ankimimit dhe Sankioneve vendimin e KQZ-së për mosregjistrimin e partisë në zgjedhjet vendore të 14 majit.

Kreu i Partisë Demokratike në kërkesën e tij për ankimim mësohet se ka kërkuar ndryshimin e vendimit duke vendosur “regjistrimin e PD-së së përfaqësuar nga kryetari Sali Berisha si subjekt zgjedhor në zgjedhjet për organet e qeverisjes vendore të datës 14 maj 2023”.

Të dyja grupimet do të përplasen në KAS ku kërkojnë zgjidhjen se kush do t’i përfaqësojë demokratët në zgjedhje.

Ditën e sotme, në orën 10:00 në KAS do të hidhet shorti për të përcaktuar relatorët e dy kërkesave ankimore të depozituara nga Berisha e Indrit Sefa, përfaqësuesi ligjor i grupit të Alibeajt./ CNA.al





Lajmet e fundit nga