Ibsen Elezi “shënjestron” Fredi Belerin/ “Organet përgjegjëse duhet ta ndalojnë“

13 Mars 2023, 14:48, Politikë CNA

Ibsen Elezi “shënjestron” Fredi Belerin/ “Organet

Ish-kandidati për kryetar të PD-së, Ibsen Elezi

Ish-kandidati për kryetar të PD-së, Ibsen Elezi, ka shënjestruar Fredi Belerin, kandidatin e PBDNJ-së për kryetar bashkie në Himarë.

Në një reagim në rrjetet sociale, Beleri shkruan se të pranosh një kandidat të tillë është një veprim i pamoralshëm dhe antikombëtar.

Sipas Elezit, pranimi i Belerit, do të thotë të hysh në lojën e kundërshtarit si për ta justifikuar atë për kandidaturat e shumta me precedent penal.

Ndërsa së treti shkruan se i jep në dorë një armë të fortë për t'u mbrojtur ndaj akuzave për veprime kunder interesave kombëtare.

“Kritikë apo Akuzë !

Kandidimi në Himarë nga fronti opozitar i një të dënuari për armëmbajtje pa leje si dhe i dyshuar për terrorizëm ndaj vendit të tij është një veprim më shumë se i çuditshëm.

Së pari të pranosh një kandidat të tillë është një veprim i pamoralshëm dhe antikombëtar.

Së dyti do të thotë të hysh në lojën e kundërshtarit si për ta justifikuar atë për kandidaturat e shumta me precedent penal: "këta që më akuzojnë per kandidat me precedent penal vet nxjerrin terroristë".

Së treti i jep në dorë një armë të fortë për tu mbrojtur ngaj akuzave për veprime kunder interesave kombëtare.

Të sakrifikosh kaq shumë për një bashki nuk është vetëm një budallallëk. Dëmi që i bëhet opozitës nuk është vetëm në një bashki por efektet negative shtrihen për të gjithë kandidatët e saj.

Pas zgjedhjes në strukturat drejtuese të PD-ës së personave të implikuar në manipulimet e proceseve zgjedhore dhe votave, ky akt nëse ndodh është akoma më i rëndë.

Thjeshtë çdo luftëtari të frontit opozitës po i hiqnin nga duart 3 armët më të forta ndaj sitemit mafioz qeverisës :

- manipulimin

- kandidatët me precedent penal

- frymën antikombëtare.

Edhe sikur opozita për turpin e saj ta paraqes si kandidat, organet përgjegjëse duhet ta ndalojnë.

Kjo nuk është kritikë por AKUZË për tradhëti ndaj opozitarizmit dhe vendit, dhe dikush nesër do të mbajë përgjegjësi”, ka shkruar Fredi Beleri./ CNA.al