Zyrtare nga Kuvendi/ Nuk ka kërkesë për arrestim nga SPAK-u për asnjë deputet

13 Mars 2023, 21:27, Politikë CNA

Zyrtare nga Kuvendi/ Nuk ka kërkesë për arrestim nga SPAK-u

Kuvendi i Shqipërisë

Në disa portale po qarkullon lajmi se SPAK i ka nisur një shkresë zyrtare Kuvendit për të kërkuar arrestimin e ish-zv.kryeministrit Arben Ahmetaj.

Sipas të dhënave që janë bërë publike më parë, Ahmetajt i është kontrolluar vila e bashkëjetueses së tij në Gjirin e Lalëzit, gjithashtu është pretenduar se ndaj tij ka tre akuza të ngritura nga SPAK.

Pas publikimit të lajmit CNA.al ka pyetur zyrtarët e Kuvendit: a ka ardhur një shkresë nga SPAK në lidhje me arrestimin e Arben Ahmetajt, apo një kërkesë nga SPAK për heqjen e imunitetit ndaj ndonjë deputeti?

Burime zyrtare nga kryesia e Kuvendit i thanë CNA.al se deri në momentet që po flasim nuk ka asnjë kërkesë nga SPAK.

Që të merret një kërkesë e dërguar nga SPAK do duhet të hapet zyra e protokollit, të dorëzohet ajo, etj. Në fakt, nuk ka asnjë kërkesë drejtuar nga SPAK në Kuvendin e Shqipërisë.

Akuzat për mos-hetimin e Ahmetajt/ SPAK: Procedimi për ish-zv.kryeministrin, çështje e ndarë
10 Mars, 18:11

Është një lajm që ende është i paqartë. Publikuesit pretendojnë se gjithçka është e vërtetë dhe letra është rrugës. Nga Kuvendi pretendon se ende nuk ka mbërritur aty, pra nuk ka një kërkesë zyrtare nga SPAK.

Gjithsesi nga procedurat e mëparshme ligjore siç ka qenë rasti i zotit Saimir Tahiri, në Kuvend është çuar shkresa ditë të shtunë në mbrëmje, më pas ajo është marrë është trajtuar nga Komisioni i Mandateve, i cili është mbledhur, ka diksutuar, është bërë heqja e imunitetit e kështu me radhë.

Më pas Prokuroria me heqjen e imunietit i çon kërkesën gjykatës për ndalimin e personit, i cili ka qenë një person me imunitet.

Pra, deri tani nuk ka një kerkesë dorëzuar Kuvendit dhe nuk mund të ketë një urdhër-arresti të dhënë nga Gjykata, pasi që të ndodhë e gjithë procedura duhet t’i hiqet imuniteti i deputetit dhe më pas prokuroria t’i drejtohet gjykatës.

Për zhvillime të mëtejshme do të presim a është i vërtetë ky lajm, një shashkë mediatike, apo SPAK ka hedhur një tjetër hap ndaj ish-zv.kryeministrit të Edi Ramës./ CNA.al