Nga recitimi i poezive te mbjellja e trëndafilave/ Urimet e veçanta nga politika për Ditën e Verës

14 Mars 2023, 09:14, Politikë CNA

Nga recitimi i poezive te mbjellja e trëndafilave/ Urimet e veçanta

Politika shqiptare ka uruar festën e 14 Marsit, Ditën e Verës, me anë të postimeve të shumta në rrjetet sociale.

Presidenti Bajram Begaj ka uruar shqiptarët duke shkruar se stina që po vjen është një burim ripërtëritjeje për ta.

“Gëzuar Ditën e Verës! Uroj që stina me ngjyrat dhe ngrohtësinë e saj, të jetë një burim ripërtëritjeje për çdo shqiptar!”, shkruan Begaj.

Nga recitimi i poezive te mbjellja e trëndafilave/ Urimet e veçanta

Ministrja e Arsimit dhe Rinisë, Evis Kushi, ka zgjedhur të urojë qytetarët me anë të një fotoje ku shihet duke mbjellë një trëndafil.

“Lulet janë simboli më i bukur i Ditës së Verës, ndaj mbolla këtë trëndafil me një urim zemre për sa më shumë mirësi, gëzim dhe begati në familjet tuaja! Gëzuar Ditën e Verës!”, shkruan ministrja Kushi.

Nga recitimi i poezive te mbjellja e trëndafilave/ Urimet e veçanta

Ndërsa kreu i Partisë së Lirisë, Ilir Meta, me anë të recitimit të poezisë “Vaji i bylbylit” të poetit Ndre Mjeda u ka uruar qytetarëve “Ditën e Verës”.

"Me vargjet e mrekullueshme të poetit tonë të madh Ndre Mjeda, ju uroj të gjithëve Gëzuar Ditën e Verës!”, shkruan Meta.

Kreu i Partisë Demokratike, Sali Berisha ka uruar shqiptarët dhe qytetarët e Elbasanit për festën e Verës.

Me anë të një postimi në rrjetet sociale Berisha shprehet se “Dita e Verës” këtë vit më shumë se për çdo gjë frymëzon ndryshimin për mire me 14 maj.

"Gezuar Diten e Verës!

Ditën e ndërrimit dhe shpresës!

Të dashur miq, sot qytetarët e Elbasanit dhe mbarë shqiptarët festojnë Ditën e Verës si të kremten e tyre më të lashtë dhe më popullore.

Këtë ditë njerëzit festojnë ndërrimin e motit, daljen nga dimri në pranvere, çeljen e luleve e lulëzimin e natyrës. Dita e Verës është pra ditë e mirësive të pranverës e ndryshimit dhe shpresës për kohë më të mira.

Dita e Verës këtë vit më shumë se për çdo gjë frymëzon ndryshimin për mire me 14 maj.

Gëzuar dhe njëherë qytetarëve të Elbasanit kryeqytetit të hirushes së festave tona dhe mbarë Shqiperisë, Ditën e Verës!", shkruan kryedemokrati.

Kandidati i PD-së për Bashkinë e Tiranës, Belind Këlliçi, kandidati i opozitës për bashkinë e Tiranës, i ka uruar sot qytetarët me rastin e Ditës së Verës dhe i ka këshilluar që ta shijojnë këtë ditë të bukur tradite dhe të shikojnë përpara.

"Shijojeni këte ditë të bukur tradite! Përditshmëria ka strese, dëgjojmë lajme negative, prandaj stakojeni mendjen për çka kaloi dhe të shikojmë përpara. Tiranën e bëni të bukur ju. I jepni jetë me familjet tuaja. I jepni zhvillim kudo ku investoni kursimet tuaja. Gëzuar miq dhe shëndeverë sot e tutje!", shkruan Këlliçi.

Nga recitimi i poezive te mbjellja e trëndafilave/ Urimet e veçanta

Ndërsa kreu i Bashkisë së Tiranës, Erion Veliaj, duke uruar festën u ka bërë një ftesë qytetarëve që të marrin pjesë në aktivitetet që do të zhvillohen gjatë ditës.

“MIRËMËNGJESI

dhe duke ju ftuar të bëheni pjesë e 100 AKTIVITETEVE që do të jenë në Tiranë sot, ju uroj Gëzuar Ditën e Verës!”, shkruan Veliaj.

Nga recitimi i poezive te mbjellja e trëndafilave/ Urimet e veçanta

Deputeti i grupit të "vulës", Dashnor Sula, me anë të një postimi në rrjete sociale shkruan se: Njësoj si vjen stina e pranverës edhe në familjet e çdo shqiptari sofra të jetë plot.

“Të dashur miqtë e mi nga Peqini, Belshi, Cerriku,Gramshi, Librazhdi, Prrenjasi dhe Elbasani, ju uroj ju dhe gjithë Shqiptarëve gëzuar festën e Ditës së Verës!

Njësoj siç vjen stina e pranverës ku çelin lulet dhe gjelbërimi zbukuron natyrë, dëshiroj që edhe në familjet e çdo shqiptari sofra të jetë plotë dhe familjarët të mbushur me gëzim!”, shkruan Sula./CNA.al

Nga recitimi i poezive te mbjellja e trëndafilave/ Urimet e veçanta