E fundit!

10:46 Aktualitet

Skenarët e Erion Veliajt në protestën për Zvërnecin

Një protestë që parullën ka “Zvërnec”, por po t’i heqësh e...

Në pranga për llogari të SPAK/ Kush është Lefter Alla, kryebashkiaku që u akuzua se pinte kokainë

15 Mars 2023, 21:51, Politikë CNA

Në pranga për llogari të SPAK/ Kush është Lefter Alla,

Lefter Alla, kryebashkiaku socialist i Bulqizës

Lefter Alla, kryebashkiaku socialist i Bulqizës, është vënë mbrëmjen e sotme në pranga për llogari të SPAK.

Ndaj tij rëndon akuza e korrupsionit dhe abuzimit me tenderat dhe për këtë është marrë më parë në pyetje nga Prokuroria e Posaçme kundër Korrupsionit dhe Krimit të Organizuar.

Arrestohet kryebashkiaku socialist
15 Mars, 21:06

Por kjo nuk është e vetmja çështje për të cilën Lefter Alla ka shkuar në SPAK.

Disa vite më parë kryebashkiakut socialist iu publikua një video në media dhe u akuzua se konsumonte lëndë narkotike.

Për këtë video, SPAK nisi menjëherë hetimet dhe mori në pyetje kryebashkiakun. Por vetëm pas disa muajsh hetime, Prokuroria e Posaçme Kundër Korrupsionit dhe Krimit të Organizuar i pushoi ato me pretendimin se nuk ekziston fakti penal për të akuzuar Allën.

Kjo pasi Kryebashkiaku i Bulqizës iu nënshtrua testit të drogës, nga ku doli negativ për konsumim të lëndëve narkotike.

SPAK në atë kohë doli në konkluzionin se filmimi nuk është marrë drejtpërdrejtë nga pajisja regjistruese, por është regjistruar me aparat celular, nga ekrani i një kompjuteri, ndaj për këtë këtë arsye, nuk mund të përcaktohej qartë data dhe ora reale e regjistrimit, si dhe nuk mund të identifikoheshin personat që shfaqeshin në të.

Në pranga për llogari të SPAK/ Kush është Lefter Alla,

Kush është Lefter Alla?

Lefter Alla ka studiuar për mësues edukimi fizik dhe ka punuar si i tillë në disa shkolla 8-vjeçare të Bulqizës.

Ai ka ka zotëruar një nga kompanitë kryesore të shfrytëzimit të minierave në Bulqizë

Prej janarit të vitit 2016, Alla mori drejtimin e Partisë Socialiste në Bulqizë, kohë kur Bashkia drejtohej nga daja i tij, Melaim Damzi. Në 2019-ën, ai u bë kryebashkiak i Bulqizës.

Vetëm një muaj pas marrjes së detyrës, më 18 shtator 2019, vëllait të tij, Vangjel Allës iu bë atentat në një lokal, ku dhe mbeti i plagosur.

Kur dukej se u zbeh kjo ngjarje, pak muaj më vonë policia arrestoi Enio Allën, djalin 19-vjeçar të kryebashkiakut. Ai u kap duke lëvizur në Tiranë me doza hashashi me vete.

Tashmë, 4 vite pasi Lefter Alla mban detyrën e kryebashkiakut nën logon e PS-së, policia e ka vënë në pranga me urdhër të SPAK./ CNA.al