web counter
LEXO PA REKLAMA!

SHKARKO APP

App Store
Google Play

“E prisja”/ Luan Baçi: Vendimi i gjykatës synon përjashtimin e PD-së nga zgjedhjet

3 Mars 2023, 22:59, Politikë CNA
“E prisja”/ Luan Baçi: Vendimi i gjykatës synon
Deputeti i Partisë Demokratike, Luan Baçi

Deputeti i Partisë Demokratike, Luan Baçi, ka reaguar për vendimin e Gjykatës së Apelit për të rikthyer për gjykim çështjen e vulës.

Deputeti tha në një intervistë televizive se 2-3 deputetë që janë skllevër dhe të blerë nga kryeministri Edi Rama po luajnë lojën e tij.

Ai deklaroi se Ram ndërhyri në vendimin e gjykatës, pasi po kërkon që të përjashtojë PD-në nga zgjedhjet vendore.

“E kam thënë që nuk prisja vendim tjetër nga Gjykata e Apelit. Pasi ankimi i Alibeajt ishte i paligjshëm dhe u pranua nga gjykata. Asgjë nuk ka ndryshuar, gjatë kësaj periudhe, mediat, demokratët e frynë vendimin e gjykatës. E dinë të gjithë që kjo nuk zgjidhte me vendim gjykate. PD ndodhet në një situatë të pazakontë. Dihet që janë 2-3 deputetë që janë skllevër dhe të blerë nga kryeministri që po luajnë përmes lojës. PD është kjo që është. Janë 44 mijë anëtarët që votuan në referendum. Në këtë këndvështrim, thjesht po i vështirësojnë punën demokratëve. Sot duke parë një PD të fuqizuar dhe të ngritur në nivelin e duhur bëjnë lojën tjetër duke çuar në gjykatë. Votuan mbi 80-90% e delegatëve për statutin dhe Gjykata e Shkallës së parë thjesht miratoi atë.

Gjykata bëri atë që duhet të bënte përmes ligjit, por ndodhi që ndërhyri kryeministri. Në prag të fushatës së zgjedhjeve për t’i mos lënë kohë PD-së për të riankimuar, kërkon që t’i përjashtojë nga zgjedhjet. Nuk besoj se do e kalojë Rama këtë punë, pasi ka të bëjë me 750 mijë qytetarë”, theksoi Baçi./ CNA.al





Lajmet e fundit nga