web counter
LEXO PA REKLAMA!

SHKARKO APP

App Store
Google Play

Duka zbulon bisedën me Berishën/ Diskutimi për koalicionet në zgjedhjet e 14 majit

14 Mars 2023, 21:39, Politikë CNA
Duka zbulon bisedën me Berishën/ Diskutimi për koalicionet
Kryetari i Partisë Agrare Ambientaliste, Agron Duka

Kryetari i Partisë Agrare Ambientaliste, Agron Duka, është pyetur nëse do të shkojë në koalicion me PD-në zyrtare që drejtohet nga Sali Berisha.

Duka tha se PD është një parti e madhe, ndërsa tregoi edhe bisedën me Sali Berishën për koalicionet.

Ai deklaroi në një intervistë me Marsela Karapançon se kryedemokrati e kishte pyetur për qëndrimin e tij në këto zgjedhje dhe ai i kishte shprehur mbështetje për kandidatët e primareve në zonat ku ka fuqi elektorale.

“Nuk kam fuqi as t’ja hap e as t’ja mbyll derën Berishës. Berisha e Rama janë njerëz të mëdhenj në politikë dhe nuk kanë ngelur për derën tonë. Ne nga 2015 deri sot nuk kemi kandiduar nën siglën e PAA. Një herë hymë në koalicion me PD, një herë nuk hymë dhe në 2021 hymë në një koalicion me një sigël të vogël.

Nuk kemi provuar veten, nëse vijojmë dhe mbulojmë siglën tonë nën emrin e një koalicioni, do vijojë e njëjta situatë dhe venitet anëtarësia e këtyre partive. Kjo ka ndodhur edhe me ne. Pasi hymë në këto sigla pati një largim. Në këtë lloj procesi ne nisim të rifeskojmë ose ndërtojmë aty ku janë shuar strukturat.

Kemi 1 vit e gjysmë që po punojmë. Berisha më pyeti për qëndrimin tonë dhe i thash se ku kemi fuqi do mbështesim kandidatin e primareve, ku nuk kemi fuqi nuk do ta bëjmë. Aty ku kemi fuqi do ndikojmë që të ndihmojmë kandidatët e Primareve, në Durrës përshembull fuqia është e konsiderueshme, shkon në 2 apo 3 mijë vota që mund të jenë edhe determinante. Duhet të ribëjmë strukturat. Mirë do ishte që sa më shumë parti të ishin në koalicion aq më tepër parti parlamentare”, theksoi ai./ CNA.al





Lajmet e fundit nga