web counter
LEXO PA REKLAMA!

SHKARKO APP

App Store
Google Play

Celibashi “dhëmbë më dhëmbë” me Alibeajn dhe Bardhin/ S’kanë asnjë lloj efekti te unë

14 Mars 2023, 18:47, Politikë CNA

Celibashi “dhëmbë më dhëmbë” me Alibeajn

Enkelejd Alibeaj dhe Gazment Bardhi hodhën akuza ndaj kreut të KQZ-së, Ilirjan Celibashi për mosregjistrimin e PD-së në zgjedhjet e 14 majit.

Alibeaj tha se vendimi i kreut të KQZ-së është marrë në kundërshtim me ligjin për shkak të tifozerisë personale, ndërsa pretendimeve të tij i është përgjigjur menjëherë Celibashi.

"Nuk pëlqej që të komentoj deklaratat e politikanëve, tek unë nuk kanë asnjë lloj efekti, mbetet e rëndësishme që ajo vendimmarrje është në përputhje me Kodin Zgjedhor. E bën të duket si një diçka e madhe për shkak se bëhet fjalë për partinë me të madhe opozitare. Kam keqardhje për situatën, por nuk kam mundësi për ta zgjidhur. Duhet ta shikojnë diku tjetër përgjegjësinë dhe jo tek unë. Unë kam pëlqimet e mia politike, votoj edhe unë për një parti, por absolutisht në dallim nga shumë të tjerë në atë që duhet të vendos e përcakton vetëm ligji vendimmarrjen time. E nuk shoh asnjë arsye përse të tjerët shohin që në vendimmarrje është interesi i "x" apo "y". Nuk u dukem shumë si ushtar apo jo”, u shpreh ai në një deklaratë për mediat.

Celibashi u pyet edhe për deklaratën e Bardhit, i cili e quajti një njeri të shantazhueshëm.

"Për këdo që e ka njohur karrierën time e di shumë mirë që unë në çdo pikëpamje nuk jam i shantazhueshëm dhe kam dedikimin profesional për të respektuar ligjin. Zbatimi i ligjit dhe korrektësia në zbatimin e saj ka qenë shtylla kurrizore e punës sime. Më vjen keq që zoti Bardhi e sheh të pabazuar vendimin tim. Gjuha e përdorur është e pa tolerueshme. Nuk i bën nder figurës së tij. Nuk e gjen asgjë të thotë vlerësojmë se një vendim i tillë nuk është marrë në përputhje me kodin dhe kjo do ishte e mjaftueshme. Kam keqardhje për kaosin politik në të cilin ndodhet PD-ja por vendimi është marrë tërësisht në përputhje me Kodin Zgjedhor. Rasti i Partisë Demokratike nuk lë vend për interpretim”, theksoi ai./ CNA.al





Lajmet e fundit nga