web counter
LEXO PA REKLAMA!

SHKARKO APP

App Store
Google Play

Dosja “Balluku” dhe Marrëveshja me SHBA-në/ Si Agron Shehaj ‘bie brenda me këmbët e veta’

27 Korrik 2026, 18:33, Politikë CNA

Dosja “Balluku” dhe Marrëveshja me SHBA-në/ Si Agron

Një incident i kësaj të hëne nga deputeti dhe kreu i Partisë Mundësia, Agron Shehaj, ka bërë bujë dhe duket se po merr përmasa të tjera politike.

Bëhet fjalë për vjedhjen nga zyrat e Kuvendit të dokumentit konfidencial të projektligjit për Marrëveshjen për huanë direkte me SHBA, që u miratua këtë pasdite vetëm me votat e mazhorancës.

Pamjet e publikuara tregojnë se si Shehaj u largua me vrap pas aktit, ndërsa punonjësja e Kuvendit cila po e ndiqte nga pas, u rrëzua nga shkallët.

Pas ngjarjes, Shehaj nuk ndau asnjë deklaratë dhe asnjë detaj lidhur me përmbajtjen e marrëveshjes që cilësohej si sekrete, e që në të tilla raste deputetët nënshkruajnë edhe një marrveshje konfidencialiteti me Kuvendin.

Duke kthyer pas në kohë, një situatë e ngjashmë u shënua edhe në shkurt të këtij viti, kur 5 deputetë të opozitës, përfshirë edhe Shehajn, firmosën një marrëveshje konfidencialiteti të dosjes së depozituar në Kuvend nga SPAK lidhur me çështjen ndaj ish-zëvendëskryeministres Belinda Balluku.

"Qëndrimi përfundimtar i 5 anëtarëve të opozitës në Këshillin e Imunitetit

Përfundimisht, 5 deputetët e Këshillit për Imunitetin, përfaqësues të opozitës, në mbështetje të neneve 73, 95, 103 të Kushtetutës, neneve 260, 288, 289 të Kodit të Procedurës Penale, si dhe neneve 13 dhe 118 të Rregullores së Kuvendit;

REKOMANDOJNË:

Deputetët në seancë plenare të Kuvendit të Republikës së Shqipërisë të votojnë pro, për miratimin e kërkesës nr. 43019Prot., datë 16.12.2025 të Prokurorisë së Posaçme Kundër Korrupsionit dhe Krimit të Organizuar, duke vendosur: “Dhënien e autorizimit nga Kuvendi i Republikës së Shqipërisë, për arrestimin/heqjen e lirisë nëpërmjet zëvendësimit të masës së sigurimit nga ajo e “Ndalimit të daljes jashtë shtetit” e parashikuar nga neni 233 i K.Pr.Penale dhe “Pezullimit të ushtrimit të një detyre a shërbimi publik”, e parashikuar nga neni 242 i K.Pr.Penale, në atë të arrest në burg/në shtëpi, për znj. Belinda BALLUKU”, e cila ushtron funksionet e deputetit, ministrit dhe zëvendëskryeministrit, në kuadër të procedimit penal nr. 136 të vitit 2025, ku ajo është marrë si e pandehur dhe person nën hetim, për shkak se dyshohet se ka kryer, në mënyrë të përsëritur, veprën penale: “Shkelja e barazisë së pjesëmarrësve në tendera apo ankande publike”, kryer në bashkëpunim, parashikuar nga nenet 258/2 e 25 të K.Penal.”,-thuhej në kërkesën e tyre.

Asokohe, Shehaj ndante gjerësisht qëndrimin se kjo dosje duhej të publikohej në detaje nga opozita, gjë që e përsëriti edhe përmes deklaratave të tij publike dhe mediatike.

Ndërsa sot, vetëm pak muaj pas të njëjtit rast, duket se Shehaj ka një qëndrim tjetër, vetëm e vetëm sepse u kap vetë duke vjedhur dokumentin.

Mungesa e koherencës nga deputetët nuk është e pazakontë në politikën shqiptare, veçse në rastin e Shehajt duket si një “kryqëzim” mëse i merituar./CNA





Lajmet e fundit nga