web counter
LEXO PA REKLAMA!

SHKARKO APP

App Store
Google Play

E fundit!

x

"Koka bën, koka pëson"/ Spaho "shuplakë" PD-së: Nuk vihet në pushtet me broçkulla

26 Korrik 2026, 10:23, Politikë CNA

"Koka bën, koka pëson"/ Spaho "shuplakë"

Ish-nënkryetari dhe ish-deputeti i PD-së Edmond Spaho ka reaguar pas deklaratave të kreut të PD-së Sali Berisha se ndaj protestuesve janë përdorur lëndë kimike si ato që përdoren në luftë.

Sipas Spahos këto deklarata e bëjnë PD të pabesueshme për qytetarët. Spaho thekson se të thuash që u përdorën kundër protestuesve lëndë kimike si ato që përdoren në luftë do të thotë jo vetëm të kesh humbur sensin e realitetit por të gënjesh me qëllim.

Ai thekson se prodhimi i armëve kimike dhe përdorimi i tyre në fushëbetejë janë ndaluar me traktate ndërkombëtare, pale të përdoren në protesta si ajo në Tiranë.

Spaho nënvizon se nuk vihet në pushtet duke thënë broçkulla dhe nëse PD vazhdon të thotë të tilla do të vazhdojë të mbetet në opozitë për shumë gjatë.

“Prandaj PD është bërë e pabesueshme për qytetarët dhe ata nuk e mbështesin.

Të thuash që u përdorën kundër protestuesve lëndë kimike si ato që përdoren në luftë do të thotë jo vetëm të kesh humbur sensin e realitetit por të gënjesh me qëllim.

Prodhimi i armëve kimike dhe përdorimi i tyre në fushëbetejë janë ndaluar me traktate ndërkombëtare, pale të përdoren në protesta si ajo në Tiranë.

Dëshira për të ardhur në pushtet është e madhe por në pushtet nuk vihet duke thënë broçkulla dhe nëse PD ka gjetur këtë si rrugë të mundeshme, ka për të mbetur edhe për një kohë shumë të gjatë në opozitë.

Jo më kot ka dalë ajo shprehja koka bën koka pëson”, shkruan Spaho./ CNA





Lajmet e fundit nga