Depenalizimi i shpifjes dhe fyerjes si idiotësi e Gaz Bardhit

29 Janar 2026, 14:37, Politikë CNA

Kreu i Grupit Parlamentar të Partisë Demokratike, Gazment Bardhi, në një postim të tij në rrjetet sociale ditën e djeshme ka theksuar se duhet të kemi një depenalizim të shpifjes dhe fyerjes, duke i kaluar këto si vepra administrative.

“Standardet europiane për lirinë e shprehjes dhe raportet e OSBE-ODIHR kërkojnë që Shqipëria të depenalizojë veprat penale të fyerjes dhe shpifjes, duke i konsideruar vetëm shkelje civile. Kjo masë është e rëndësishme për garantimin e lirisë së shprehjes, veçanërisht për median dhe aktivistët e shoqërisë civile”, shkruan Gazment Bardhi.

Që Gazment Bardhi është idiot nga ana juridike, se si politikan ndoshta vlen më pak sesa idiotësia e tij ligjore, kjo nuk ka nevojë të përsëritet. Ndoshta ngaqë Fakultetin Juridik e mbaroi me mesatare 5 pa pak apo 5 e pak, i dalin të tilla broçkulla që edhe njëherë tregojnë nivelin alarmant të injorancës dhe mungesës së kulturës juridike, jo vetëm nga Gazment Bardhi, por dhe më gjerë në Grupin Parlamentar të PD-së.

Që ta mësojë Gazi dhe çdo politikan budalla në fushën e jurisprudencës, depenalizimi i shpifjes dhe fyerjes është bërë nga qeveria Berisha në vitin 2012.

Çfarë është depenalizimi?

Depenalizimi është një vepër e parashikuar në Kodin Penal, e cila nuk parashikon burg. Pra, është administrative, ashtu siç thotë Gazment Bardhi dhe është bërë që para 14 vitesh. Ajo që, ndoshta Gazi, që e ka kaluar Juridikun me mik, ka dashur të thotë është dekriminalizmi.

Çfarë do të thotë dekriminalizim?

Dekriminalizim, që ta mësojë dhe Gazi, do të thotë që nuk është një vepër penale, e cila ekziston në Kodin Penal.

Dekriminalizimi nuk ka ndodhur as në qeverinë e Sali Berishës që ka ndodhur depenalizimi as në ndryshimet e miratuara dje nga Parlamenti, ku nuk është shfuqizuar neni në Kod, por thjesht janë shtuar disa paragrafë në nenin 120.