web counter
LEXO PA REKLAMA!

SHKARKO APP

App Store
Google Play

Denoncimi/ Drejtuesit e Bashkisë Tiranë kanë futur familjarët e tyre në pozicione të rehatshme me rroga të mira

19 Prill 2023, 11:13, Politikë CNA
Denoncimi/ Drejtuesit e Bashkisë Tiranë kanë futur
Foto ilustruese

Zëdhënësja e fushatës së koalicionit “Bashkë Fitojmë”, Silvi Bardhi, ka denoncuar në një deklaratë për mediat se, drejtuesit më të rëndësishëm në Bashkinë e Tiranës, kanë futur familjarët dhe të afërmit në pozicione të rehatshme, me rroga të mira.

Ndër të tjera, Bardhi hedh akuza ndaj kryebashkiakut aktual duke thënë se, në dy mandate Erion Veliaj ka lënë mbi  10 milionë euro borxh.

“Mbi 10 milionë euro borxh ka lënë Erion Veliaj në dy mandate që ka drejtuar Bashkinë e Tiranës.

Këto janë detyrime që do t’i shlyejnë qytetarët e Tiranës.

Teksa ka rritur taksat dhe tarifat dhe ka lëshuar policinë bashkiake në fushata ndëshkimi duke vjelur miliona euro, sërish, të gjitha këto nuk i mjaftojnë Erion Veliajt.

Kjo është qeverisja e tij.

Janë qindra punonjës të bashkisë që paguhen me taksat tona, thjesht për t’i shërbyer Erion Veliajt, profilit të tij personal, interesave politike që ai ka.

Qindra punonjës që mbahen me taksat tona, kujdesen që Erjon Veliaj të dalë mirë në publik, të pëlqehet, t’i bëhet shpërndarje në rrjetet sociale.

Vetë Erion Veliaj, në gjysmën e parë të vitit të kaluar, ka kaluar 4 muaj e gjysmë jashtë shtetit, duke marrë të paktën 11 mijë euro dieta.

Ndërkohë që me këto udhëtime nuk i ka sjellë qytetit asnjë përfitim, asnjë investim të huaj, asnjë shërbim që të jetë i vlefshëm për jetën tonë.

Gjatë një vëzhgimi të pjesshëm të nëpunësve, te 270 emra, rezultojnë 127 emërime nepotike. Drejtuesit më të rëndësishëm të bashkisë kanë futur familjarët dhe të afërmit në pozicione të rehatshme, me rroga të mira.

Kjo është e padrejtë.

Taksapaguesit më të varfër të Europës nuk kanë pse të sakrifikojnë kaq shumë, që Erion Veliaj të duket bukur në publik.

Duhet ndryshim.

Qytetarët e Tiranës e kanë në duart e tyre ta kthejnë bashkinë në normalitet e në shërbim të qytetit, jo të kryetarit”, është shprehur Silvi Bardhi në deklaratën e saj për mediat./CNA.al





Lajmet e fundit nga