web counter
LEXO PA REKLAMA!

SHKARKO APP

App Store
Google Play

E fundit!

x

Alibeaj bën fushatë me akuza/ “Berisha e Meta mbajnë në pushtet Ramën”

18 Prill 2023, 19:03, Politikë CNA
Alibeaj bën fushatë me akuza/ “Berisha e Meta mbajnë
Kreu i komanduar i PD-së së vulës, Enkelejd Alibeaj

Kreu i komanduar i PD-së së vulës, Enkelejd Alibeaj e ka nisur fushatën elektorale me akuza ndaj Sali Berishës dhe Ilir Metës.

Alibeaj tha se trekëndeshi Rama-Berisha-Meta, janë të tre bashkë dhe nuk e vazhdojnë dot jetën politike pa njëri-tjetrin.

“Sot kjo parti është nën agresion. Partia Socialiste, pasardhëse e ish-komunistëve shqiptarë, me në krye një kryeministër mafioz si Edi Rama, një pazarxhi politik si Ilir Meta, bashkë me Sali Berishën, ish-kryetarin tonë dhe ish-kryeministrin e Shqipërisë të shpallur non-grata nga aleati ynë madhor, SHBA, si minues i demokracisë dhe inkurajues i korrupsionit madhor në vend, në koordinim të hapur dhe të fshehtë me veglat e tyre në pushtet me sistemet mediatike dhe mafioze të tyre, me korrupsionin e 30 viteve, i janë futur një sulmi që nuk po njeh të ndalur.

Partia Demokratike dhe çdo simpatizant i saj ka qenë në një agresion të shumëfishtë. Agresion politik, agresion mediatik, agresion ligjor, madje dhe agresion fizik. Dhe e dini pse?

Sepse kjo parti, ju dhe të gjithë demokratët që e duan dhe kanë kontribuar për të janë ndryshe nga ata. Ata nuk e durojnë dot - e kam fjalën për kastën e vjetër politike, dinozaurët e tranzicionit shqiptar që të ekzistojë një forcë politike me integritet, që të ekzistojë një forcë politike që në themel të saj ka vlerat më të mira njerëzore, që ka në themel të saj lirinë e çdo individi, demokracinë dhe shtetin e së drejtës.

Dinozaurët e politikës së vjetër Edi Rama, Sali Berisha dhe Ilir Meta nuk mund të pranojnë që të ekzistojë një forcë politike jashtë kontrollit të tyre personal. Ata nuk mund të pranojnë që në Shqipëri, ka njerëz të lirë si puna juaj, sepse njerëzit dhe pushtetin i duan t’i kenë në kontroll, për interesat e tyre, për pushtetin e tyre dhe për hallet e tyre”, u shpreh ai ndër të tjera.

Më tej, Alibeaj deklaroi se Berisha e Meta nuk denoncojnë dot një oligark, pasi pretendon se janë bashkë me kryeministrin Edi Rama.

Ai theksoi se ditën Rama-Berisha-Meta bëjnë sikur zihen, ndërsa natën ndajnë interesa të përbashkëta.

“Për një gjë të jeni të sigurtë, ju dhe gjithë shqiptarët që na dëgjojnë sot. Janë të tre bashkë, dhe s’ka as më të voglin dyshim për këtë. Nuk mund të vazhdojnë jetën politikë pa njëri tjetrin. Kanë 33 vite që ndajnë interesa politike dhe financiare bashkë. Oligarkët i kanë bashkë, mediat i kanë bashkë, politikën e kanë zaptuar bashkë.

Si ka mundësi që Sali Berisha dhe Ilir Meta, këta opozitarët e vërtetë nuk denoncojnë asnjë oligark të lidhur me qeverinë dhe bashkinë?!! Është shumë e thjeshtë! Janë bashkë me Edi Ramën, me sistemin politik dhe financiar 33 vjeçar në Shqipëri.

Ditën bëjnë sikur zihen për parime, natën ndajnë interesat financiare së bashku. Prandaj edhe fyejnë, shajnë, ulërasin, sa herë që u përmenden paratë që përdorin për fushata e interesa politike. Ashtu siç kanë bërë me mua këto ditë, mediat dhe taboret politike të Sali Berishës, vetëm e vetëm se ngrita një pyetje që e bëjnë të gjithë shqiptarët në fakt”, nënvizoi Alibeaj./ CNA.al





Lajmet e fundit nga