web counter
LEXO PA REKLAMA!

SHKARKO APP

App Store
Google Play

Berisha “nxjerr zbuluar” Majlinda Bufin/ Bëje pushime në Antalya me pensionet e invalidëve

18 Prill 2023, 17:46, Politikë CNA
Berisha “nxjerr zbuluar” Majlinda Bufin/ Bëje pushime në
Kryetari i Partisë Demokratike, Sali Berisha

Kryetari i Partisë Demokratike, Sali Berisha, ka hedhur akuza ndaj kryebashkiakes dhe kandidates së PS-së për Roskovecin, Majlinda Bufi.

Berisha tha në një takim me qytetarët se Bufi nuk ia jepte invalidëve pensionet, por i mbante ato për vete dhe me ato para bënte pushime në Antalya.

Ai pretendon se kryebashkiakja socialiste rikandidon sërish për shkak të lidhjeve me drogën, ndërsa kërkoi që ajo të tërhiqet nga gara.

“Miqtë e mi!

Ju e shifni se Edi Rama me ekipin e tij ka marrë lopatat për të mashtruar qytetarët. A e dini ju se pse paraqitet duke hapur ato gropa para jush.

Së pari ai e di se kandidatët e tij që kanë dalë nga bodrumet dhe shpellat e mafies, nuk mund të ballafaqohen kurrë me Erdiz Hazizajn. Megjithatë në qoftë se të ka mbetur minimumi i përgjegjësive para qytetarëve të Roskovecit, hajde në këtë shesh dhe bën debat me Erditin, shpjegojuani qytetarëve se çfarë do të bëni për 4 vitet që vijnë.

Por ti nuk vjen dot, sepse aq sa mund të dalë simotra jote në Tiranë, Olta Xhaçka, apo Ballukja, aq mund të dalësh ti të ballafaqohesh me rivalin tënd që vjen nga vota e lirë. Po dole ti në debat me Erditin, të dalin llogaritë bankare që merrje bashkë me një Avni Cjapin, pensionet e invalidëve i fusje në bankë, merrje fitimet dhe pastaj i lije ata pa pensione dhe ja mbathje për Antalja apo për pushime të tjera. Kurse hallexhinjtë i lije të numëronin kafshatat.

Nuk del dot, thashë edhe njëherë, je si motër siameze me Olta Xhaçkën. Ti me drogën, ajo me drogën. Se të ndjek ai, e ke parasysh ai nipi i burrit që e kishe edhe shofer yt, që shkoje dhe e nxirrje. Sigurisht, është droga që të rikandidon ty përsëri këtu sepse për shërbimet që i ke bërë Roskovecit duhet të kishe dhënë dorëheqjen të paktën 2 vite para. Ndaj dhe nuk vjen dot.

U ke prishur shtëpitë demokratëve, vetëm për hakmarrje. Ju garantoj se do të shkosh për ndjekje penal për çdo shtëpi të prishur për hakmarrje”, theksoi ai./ CNA.al





Lajmet e fundit nga