web counter
LEXO PA REKLAMA!

SHKARKO APP

App Store
Google Play

E fundit!

x

Bejko “rreh gjoksin”/ Jam idealist i pandreqshëm, nuk trembem nga sfidat dhe vështirësitë

18 Prill 2023, 19:15, Politikë CNA
Bejko “rreh gjoksin”/ Jam idealist i pandreqshëm, nuk trembem
Kandidati i PD-së së Alibeajt për Bashkinë e Tiranës, Roland Bejko

Kandidati i PD-së së Alibeajt për Bashkinë e Tiranës, Roland Bejko, foli me superlativa për veten në hapjen e fushatës elektorale të 14 majit.

Bejko tha se nuk i trembet sfidave dhe vështirësive, pasi është idealist i pandreqshëm që nuk do të ndryshojë.

“Të dashur motra dhe vëllezër, këtë kandidim dhë këtë përgjegjësi e kam pranuar me bindjen dhe besmin më të madh. Është vendimi më i duhur dhe i  më i drejtë që kam marrë në jetën time politike, për disa arësye:

E para sepse ka të bëjë me karakterin tim. Asnjëherë në jetën time 33 vjecare brenda Partisë Demokratike nuk jam stepur nga sfidat dhe vështirësitë. Gjithmonë, në momentet më të vështira, sa herë që është dashur kontributi im për Partinë Demokratike, nuk jam kursyer në asnjë moment. Të gjitha energjitë dhe njohuritë e mia i kam vendosur në shërbim të saj dhe  të demokratëve, pa përfituar asnjëgjë mbrapsht. Sepse jam njeri prej jush, demokratëve të thjeshtë që vetëm kanë luftuar për Partinë Demokratike dhe s’kanë përfituar kurrë prej saj. Dhe sigurisht që nuk do të stepesha as kësaj radhe. Aq më shumë në këtë garë, ku lipset kontributi i të gjithëve ne. Unë e shikoj politikën si mision dhe jo si përfitim. Kështu jam unë. Një idealist i pandreqshëm, dhe kështu do të jem gjithmonë. Njësoj si të gjithë ju këtu”, u shpreh ai.

Bejko “rreh gjoksin”/ Jam idealist i pandreqshëm, nuk trembem

Teksa po rendiste arsyet e kandidimit, Bejko hodhi një sërë akuzash ndaj kryetarit të PD-së Sali Berisha, dhe kryetarit të PL-së, Ilir Meta.

“E dyta, si mund të pranoja unë, si mund të pranonim ne të gjithë, që demokratët në Tiranë, në kryeqytetin e Shqipërisë të përfaqësoheshin nga një non-grata nga Shtetet e Bashkuara dhe Britania e Madhe, i izoluar nga e gjithë politika perëdimore si Sali Berisha. Si mund të pranonim ne, që demokratët në Tiranë të përfaqësoheshin nga nje socialist si Ilir Meta. Demokratët nuk e mertiojnë një poshtërim të tillë. Ne jemi këtu sot, unë jam në  këtë garë pikërisht për të shpëtuar nderin dhe historinë e Partisë Demokratike që mos të rrëshkasë në duart e një autokrati lindor dhe në dorën e një grabitqari politik si socialisti Ilir Meta, të cilin Sali Berisha e ka futur në mënyrë të pabesë në gjirin e demokratëve, që ai votat e tyre t’i marrë dhe t’i çojë nesër te pazari i radhës me  Edi Ramën. Kjo është një tradhti historike, një thikë mbas shpine që i ka futur demokratëve dhe të djathtës Sali Berisha. Kjo është pabesia më e madhe politike që i ka bërë atyre demorkatëve të ndershëm, që janë të gjithë miqtë dhe shokë tanë. Por ne, kurrsesi nuk mund tja jepnin këtë kënaqësi. Ne jemi këtu, pikërisht për të ndalur këtë pabesi. Ne jemi këtu, për t’i thënë të gjithë shokëve tanë demokratë që kjo është partia e tyre, Partia Demokratike është shtëpia e tyre dhe jo Lëvizja Socialiste për Integrim e Ilir Metës”, theksoi ai ndër të tjera./ CNA.al





Lajmet e fundit nga