web counter
LEXO PA REKLAMA!

SHKARKO APP

App Store
Google Play

E fundit!

x

Deklaratat fyese të Ramës/ Berisha: Është turp të quhet prind dhe bashkëshort, vetëm diktatorët përçmojnë fëmijët

22 Prill 2025, 13:02, Politikë CNA

Deklaratat fyese të Ramës/ Berisha: Është turp të quhet

Kryetari i Partisë Demokratike, Sali Berisha, ka bërë një reagim për deklaratat skandaloze të kryeministrit Edi Rama, i cili i quajti mbështetësit e opozitës politikisht autikë.

Berisha tha se ky është një superskandal dhe deklaroi se vetëm diktatorët si Hitleri apo Enver Hoxha kanë pasur përçmim ndaj fëmijëve me aftësi ndryshe.

 

Kryedemokrati u shpreh se pas kësaj deklarate është turp që Rama të quhet prind dhe bashkëshort.

“Përçmimin ndaj fëmijëve, të rriturve, por fëmijëve, meqenëse ky çrregullim është kryesisht i fëmijëve, e kanë pasur Adolf Hitleri, me një dekret i fuste në krematorium, e ka pasur Enver Hoxha për qëllime klasore. Ky është një superskandal. Të përdorësh një çrregullim prapa të cilit qëndron një heroizëm i jashtëzakonshëm i fëmijëve dhe prindërve. Në qoftë se ka një çrregullim ku një nënë është më heroinë se çdo nënë tjetër është nëna e fëmijës me këtë çrregullim dhe fëmija vetë, që jo në pak raste duhet t’i përvetësojë fjalët një nga një. Ky del me këtë frazë, është turp të quhet prind, bashkëshort, ky me këtë fjalë që thotë për këta fëmijë heronj. Këta gjeti ky për të etiketuar”, tha Berisha./ CNA





Lajmet e fundit nga