web counter
LEXO PA REKLAMA!

SHKARKO APP

App Store
Google Play

E fundit!

x

Deklaratat e Ramës/ Këlliçi me tone të ashpra ndaj Aleancës kundër Gjuhës së Urrejtjes

21 Prill 2025, 22:43, Politikë CNA

Deklaratat e Ramës/ Këlliçi me tone të ashpra ndaj

Drejtuesi politik i PD-së për Tiranën Belind Këlliçi i ka bërë thirrje Aleancës kundër Gjuhës së Urrejtjes që të reagojnë ashpër ndaj gjuhës fyese, bullizuese dhe të turpshme të kryeministrit Edi Rama.

“Thirrje publike ndaj Aleancës kundër Gjuhës së Urrejtjes!

Unë Belind Këlliçi, kandidat për deputet dhe drejtues politik i qarkut Tiranë për PD-ASHM, ju bëj thirrje që të reagoni ashpër ndaj gjuhës fyese, bullizuese dhe së fundmi të turpshme të kryeministrit në prani të fëmijëve.

Pa folur për rastet e tjera ku vajzat votuese për herë të parë janë etiketuar si “dashnore” ndërsa burrat votues si “çyrykë”.

Fushata zgjedhore nuk duhet kurrsesi të zbresë në të tilla nivele, dhe ju takon ju si institucion të reagoni në mënyrë të drejtë, proporcionale dhe të duhur për këtë incident të gjuhës së papranueshme.

Unë ju kam ndjekur ju në reagimin tuaj ndaj posterit tim në fushatën e vitit 2023, një poster ku e ku më “steril” dhe të padëmshëm ndaj shoqërisë, krahasuar me rrugaçërinë që Partia Socialiste po tregon sot, duke nisur nga lidershipi i saj.

Gjuha e drunjtë e shoqatave dhe konferencave nuk mund të jetë përgjigja ndaj një politike që po degradon çdo ditë e më shumë, pikërisht sepse shoqëria nuk reagon me nervin e duhur.

E përfaqësues të shoqërisë për të qenë rojtarë kundër kësaj gjuhe, sot jeni ju.

Në të kundërt, jo vetëm keni tradhtuar misionin tuaj por edhe keni dëshmuar se reagimet tuaja janë të stisura dhe në funksion elektoral të partisë-shtet, e cila zapton edhe mediat, edhe shoqërinë civile, përdor edhe gjuhën fyese e rrugaçërore, i rezervon vetes madje dhe luksin e indinjatës dhe moralit”, shkruan Këlliçi./ CNA





Lajmet e fundit nga