web counter
LEXO PA REKLAMA!

SHKARKO APP

App Store
Google Play

“Nuk ka përfshirë në listë kryetarin”/ Një tjetër aleat largohet nga koalicioni opozitar

21 Prill 2025, 14:48, Politikë CNA

“Nuk ka përfshirë në listë kryetarin”/ Një

Një tjetër aleat i koalicionit opozitar është larguar. Bëhet fjalë për Partinë Ora e Shqipërisë, me kryetar Zef Shtjefnin, i cili i ka dërguar një shkresë KQZ-së.

Në shkresën e dërguar thuhet se shkak për tërheqjen është mosfutja e kryetarit në listën e hapur dhe partia nuk është ftuar në hapjen e fushatës.

Kjo, thuhet në shkresë, përbën shkelje të aleancës.

“I nderuar z. Kryekomisioner,

Ju njoftoj se Partia Ora e Shqipërisë, në koalicion me Aleancën për Shqipërinë Madhështore, nuk ka funksionuar që nga dita kur është firmosur marrëveshja. Aleanca për Shqipërinë Madhështore nuk ka përfshirë në listën e hapur kryetarin e partisë, nuk ka ftuar Partinë Ora e Shqipërisë në hapjen e fushatës elektorale, ndërsa kryetari i partisë ka marrë pjesë i paftuar në takim. Edhe sot, në takimin me partitë e koalicionit, Partia Ora e Shqipërisë nuk është ftuar në mbledhjen e radhës.

Në këto kushte, kjo aleancë ka shkelur marrëveshjen me Partinë Ora e Shqipërisë. Për këtë arsye, kërkojmë largimin nga ky koalicion, i cili nuk respekton marrëveshjen me aleatët e tij”, thuhet në kërkesën dërguar KQZ-së./ CNA





Lajmet e fundit nga