web counter
LEXO PA REKLAMA!

SHKARKO APP

App Store
Google Play

“Bufi i hëngri të gjithë”/ Rama: Më 11 maj do të marrin humbjen më të madhe

20 Prill 2025, 19:11, Politikë CNA

“Bufi i hëngri të gjithë”/ Rama: Më 11 maj do

Kryeministri Edi Rama zhvilloi pasditen e sotme një takim në zonën e Kamzës. Rama u ndal te zgjedhja me votë që do të bëjnë qytetarët më 11 maj.

Në fjalë e tij, Rama tha se në këto zgjedhje, qytetarët duhet të zgjedhin mes interesit të tyre apo hallit të opozitës.

Rama u shpreh se shqiptarët duhet të zgjedhin alternativën e Shqipërisë në BE.

“Më 11 maj, shqiptarët duhet të zgjedhin mes interesit të tyre apo hallit të një bufi të vetëm. Duhet të zgjedhin Shqipërinë me BE-në apo të zgjedhin të shkojnë me bufin dhe kënetën në grope. Është e paimagjinueshme si mund të vihet në diskutim. Nuk e kuptoj ose një pjesë e tyre janë çyrykë dhe nuk e dinë si zhvillohet integrimi në BE, duke më thënë mua se kam 12 vjet dhe nuk e çova vendin në BE. Po Mali i Zi që i ka hapur negociatat që në vitin 2012, pse nuk ka hyrë? Po Serbia që i ka hapur në 2014, pse nuk ka hyrë? Po Maqedonia që është bërë vend kandidat në 2005, pse nuk ka hyrë? Sepse BE nuk funksionon siç do, dhe çfarë bëjmë ne por çfarë interesi ka vetë BE. Sot, përputhet ajo që ne duam prej 500 vitesh, integrimi në BE, me atë që do Bashkimi Europian”,-tha Rama.

Rama vijoi sërish ironitë ndaj opozitës, duke thënë se bufi i hëngri të gjithë. Rama shtoi se më 11 maj, demokratët do të marrin humbjen më të madhe që nga viti 1997.

“Bufi e hengri kreun e Kavajës që fitoi primaret, i hengri të gjithë. Më 11 maj do të marrin humbjen më të madhe që nga viti 1997 do te dalin të shpartalluar ashtu siç e meritojnë por ata meritojnë që shpartallimi tu vijë dhe nga vetë demokratët”,-tha Rama./CNA

 





Lajmet e fundit nga