web counter
LEXO PA REKLAMA!

SHKARKO APP

App Store
Google Play

E fundit!

x

Rama e ftoi në kafe Vrenozin/ Ja si iu përgjigj demokrati i njohur korçar

20 Prill 2025, 17:50, Politikë CNA

Rama e ftoi në kafe Vrenozin/ Ja si iu përgjigj demokrati i njohur

Kryeministri Edi Rama  dhe demokrati i njohur korçar Ilir Vrenozi, kanë zhvilluar sot një bashkëbisedim nëpërmjet një video. Kjo video u publikua në rrjetet sociale të kryeministrit.

Ata treguan sesi ishte ftuar nga Rama për të pirë një kafe në Pogradec.

Vrenozi tregoi sesi iu përgjigj më tej ftesës për tu takuar me kryeministrin, ku nuk munguan shakatë dhe ironitë.  

Biseda mes Edi Ramës dhe Ilir Vrenozit:

Ilir Vrenozi: Sot më bie telefoni dhe ishte Niko Pelshi, më pyeti ku je, në shtëpi i thash dhe më tha foli pak këtij mikut tim tha. E më tha ai mua, e mo Vrenoz si të kam, mbeta unë disa sekonda. Më tha jam simpatizant i videove tua. Tani unë e shaj atë dhe ai është prap simpatizant dhe më foli sikur jemi shok prej 30 vitesh. Më kapi një si trullosje, se sado të flasësh me kryeministrin. Më tha jam në Pogradec dhe për pak vij në Korçë dhe dua të pij një kafe në privatësi me ty pa kamera. Heshta unë disa sekonda dhe i thash nuk bëhet.

Edi Rama: Vrenoz ja ku më ke. Ti me tënden je në rregull, unë kam edhe dëshmitar se nuk ishim vetëm kur folëm, por halli ishte me ata çyrykët e tu që u lëshuan jo donte ta blinte Rama, jo ja përplasi derën në fytyrë Vrenozi. Që unë jam tifoz i videove të tua këtë e dinë shokët e tu dhe të mitë, por që unë se dija që Nikua fliste me ty dhe ishit dhe miq, këtë e mora vesh dje. Po pinim kafe në Pogradec dhe më tregon videon e njërit atje dhe pash që e pëlqeje dhe ti këtë person dhe kështu u hap muhabeti jot dhe ai më tha se flet me ty dhe i thash merre njëherë në telefon.

Ilir Vrenozi: Unë i thashë e vlerësoj meqënëse po më fton kryeministri, po unë nuk pijë kafe nëpër kshu vende, unë jam qytetar dhe dera ime e shtëpisë është e hapur.

Edi Rama: Unë të thash a më takon ti mua apo ke hall se të turret partia dhe ti the jam i djathtë, por s’jam anëtar partie, jam njeri i lirë. Ishte në siklet dhe të thash dua të takojë, por s’dua të vë në pozitë.  

Ilir Vrenozi: Unë në shtëpi tha nuk do të vijë tani, por pas 11 majit. Unë doja ti thosha pas 11 majit do të çojmë tek 5-sa.

Edi Rama: Që të jemi të saktë më the derën e shtëpisë s’ja mbyll dot kryeministrit po unë se kam shtëpinë në gjendje të mirë. Dhe unë të thash se kam problem këtë dhe në shtëpi do të vij pa të pyetur pas 11 majit. Sa për 5-ën dhe unë dakord me ty jam dhe unë 5 dua, në pesa.

Ilir Vrenozi: Më tha kam dëshirë që të vish në podcastin tim dhe i thash jo.

Edi Rama: I thash vjen ti Vrenoz në podcastin tim dhe nuk më kujtohet të më kesh thënë jo, një analizë të zgjedhjeve do ta bëjmë ne bashkë pas 11 majit.

Ilir Vrenozi: Më tha këtë, dëgjo më tha nëse do ishte nga ana jonë do të kisha futur në listë të mbyllur në Korçë dhe unë qesha thash, ku kam shkollë unë. Ai më tha, se mos kanë këta më shumë, sidomos ai Nallbati i Bilishtit, ti më tha je më lart se ata. Më fliste sikur më kishte shok.

Edi Rama: Saktë me një ndryshim, nuk thash po ti ishe ti nga ana e majtë, por po të isha unë nga ana e atyre që e kanë bërë atë palo listë, për mua asnjë në listën e Korçës nuk vlen sa ti, ti ke një gjë s’je çyryk. Nëse ata do të kishin aftësinë tënde kritike për partinë e tyre si ty, s’do ishin sot të zhytyr në llumrat e kënetës.

Ilir Vrenozi: Kam 12 vite që e shajë dhe kuptova këtë derisa trokiti në dritaren e Vrenozit, kjo tregon se ata kanë frikë dhe Vrenozi e refuzoi dhe e mbylli Rama. Imagjino tani të dilte me një status Edi Rama, në Korçë po pi kafe me Vrenozin.

Edi Rama: Unë sa e kam hapur me ty nuk e kam mbyllur, shyqyr që gjeta këtë linjë se dija që flisnin me ty këta. Ne 5-sa më ke mua, ata të tutë do të dalin si mos më keq nga kjo garë dhe do të vij në shtëpi me 5 trëndafila ma hap derën ose jo, atë e di ti./CNA 

 





Lajmet e fundit nga