E fundit!

11:17 Aktualitet

“Albanian Files”/ Klodjan Braho: Askush nuk është imun për SPAK, nëse dikush ka prova t’i depozitojë

Nga opozita në Komisionin për Nismat Qytetare, kreu i SPAK...

Ati i Shenjtë u shua/ Rama: Ishte ndryshe nga të tjerët, më çonte vazhdimisht mesazhe

21 Prill 2025, 11:12, Politikë CNA

Ati i Shenjtë u shua/ Rama: Ishte ndryshe nga të tjerët, më

Kryeministri Edi Rama me anë të një statusi në rrjetet sociale ka shprehur ngushëllimet për shuarjen e Papa Françeskut. Rama e quajti Atin e Shenjtë mik të madh dhe të paharueshëm të Shqipërisë.

“Lamtumirë, At i Shenjtë, mik i madh e i paharrueshëm i Shqipërisë”, shkruan Rama.

Kryeministri Edi Rama gjatë takimit me gratë e Kavajës mori lajmin se Papa Françesku u shua. Rama tha se ka pasur një raport personal me Atin e Shenjtë, dhe ka zbuluar se i dërgonte mesazhe herë pas here.

Kryeministri gjatë fjalës së tij, kujtoi vizitën e Atit të Shenjtë në Shqipëri në vitin 2014 dhe tha se ishte një Papë ndryshe nga të tjerët. Rama ftoi të pranishmit të mbanin një minutë heshtje në nder të Papa Françeskut.

“Unë kam pasur një raport personal me të, më çonte vazhdimisht mesazh me arqipeshkvin dhe më vjen jashtëzakonisht keq. Ai zgjodhi ta vizitojë Shqipërinë të parin vend jashtë Vatikanit, pasi u bë Papë. Në Shqipëri kaloi ditë që e konsideroi të paharrueshme. Tha që Shqipëria kishte vëllazëri fetare. Ishte Papë ndryshe nga të tjerët, kam mirëkuptimin tuaj ta nderojmë me një minutë heshtje. Ai zgjodhi ta vizitonte Shqipërinë të parin vend jashtë Vatikanit, që vizitoi pasi u zgjodh Papë.

Pas një takimi që patëm së bashku, një takim të paharrueshëm. Në Shqipëri kaloi një ditë që ai vetë e konsideronte të paharrueshme. Tha dhe atë fjalën e paharrueshme që “Shqipëria nuk ka harmoni fetare, por ka vëllazëri fetare”. Ishte një Papë ndryshe nga të tjerët. Më kujtohet që në takimin e dytë se, jemi takuar disa herë, por në Vatikan në audiencë me të kam qenë dy herë, në takimin e dytë e pyes i them, “Ati i Shenjtë më duket se shumë armiq ke bërë, duke thënë gjëra që nuk i ka thënë kurrë një Papë” dhe s’e harroj kurrë kur më tha, “kryeminsitër nëse nuk i them ato që kam për të thënë tani që kam kohën me njerëzit, kur do i them dhe kujt do ia them, krimbave kur të shkoj në varr”, u shpreh Rama./ CNA