web counter
LEXO PA REKLAMA!

SHKARKO APP

App Store
Google Play

E fundit!

x

“McGonigal i dërgon Ramës mesazh nga qelia”/ Berisha flet pas daljes nga SPAK-u

21 Prill 2025, 09:31, Politikë CNA

“McGonigal i dërgon Ramës mesazh nga qelia”/ Berisha flet

Kryetari i Partisë Demokratike, Sali Berisha, u paraqit këtë mëngjes në SPAK për zbatimin e masës “Detyrim paraqitje”, në kuadër të hetimeve për dosjen “Partizani”.

Pasi doli nga ambinetet e SPAK-ut, Berisha mbajti fjalën e tij për mediat dhe simpatizantët që ndodheshin aty.

Kryedemokrati ftoi qytetarët të pyesin SPAK-un ku shkuan paratë e inceneratorit të Tiranës dhe renditi disa afera për të cilat akuzoi Ramën.

Më tej, Berisha u shpreh se asgjë nuk do ta shpëtojë Ramën nga afera "McGonigal", për këtë të fundit tha se i dërgon kryeministrit mesazhe nga qelia.

“Ardhja ime shërben si një dëshmi e keqpërdorimit politik të drejtësisë nga narkotrafikanti Edi Rama për të luftuar kundërshtarët. Vetingu ka vërtetuar se unë dhe familja ime nuk kemi keqpërdorur kurrë fondet publike. Eksponenti politik i bandave të Elbasanit, Durrësit dhe Fushës-Krujës. Ftoj qytetarët të pyesin SPAK-un ku kanë shkuar 130 milionë euro të inceneratorit të Tiranës.

Të gjitha kanë 1 përgjigje, paratë i mori Edi Rama dhe pastaj i ndau. Vetëm këto skandale kapin shumë 680 milionë euro të grabitura nga Rama dhe kompani. Asgjë nuk do ta shpëtojë Ramën nga afera 'McGonigal'. I dërgon Ramës mesazhe nga qelia”, tha Berisha./ CNA





Lajmet e fundit nga