web counter
LEXO PA REKLAMA!

SHKARKO APP

App Store
Google Play

E fundit!

x

“Edhe demokratët duhet të zgjedhin integrimin”/ Rama: Nuk më shqetëson e ardhmja e PD-së

20 Prill 2025, 19:33, Politikë CNA

“Edhe demokratët duhet të zgjedhin integrimin”/ Rama: Nuk

Kryeministri Edi Rama zhvilloi këtë pasdite një takim me gratë e vajzat e Kamzës. Në fjalën e tij, Rama dha edhe mesazhe për zgjedhjet dhe demokratët.

Sa i përket PD-së në zgjedhje, Rama tha se nuk është aspak i shqetësuar për të ardhmen e tyre. Rama tha se u kërkon edhe demokratëve të votojnë rrugën në BE.

“Sigurisht që unë nuk jam i shqetësuar për të ardhmen e PD, nuk më intereson fare. Sigurisht që unë nuk jam këtu për t’i treguar sesi rregullohet ajo parti por kjo është thjeshtë dhe vetëm e vërteta në këtë moment. Dhe nëse demokratëve u kërkoj që të mbështesin rrugën e BE duke mbështetur ne, iu kam borxh tu them dhe një të vërtetë. Vetëm duke mbështetur ne, mund të ndihmojnë dhe ringritjen e partisë së tyre nesër, pasnesër, kur të jetë”,-tha Rama.

Rama tha se ndryshimin në vend e kanë në dorë vetëm qytetarët përmes votës më 11 maj. Kryesocialisti vijoi edhe me disa batuta dhe ironi për opozitën.  

 “Kështu që, ju lutem merreni në dorë këtë punë deri në fund deri në 11 maj. Një gjë të fundit. E di që mërziten shumë ata të kënetës, por unë skam çfarë bëj, e kam me gocat që kam këtu se thoshin që Edi Rama skandaloz, iu thotë vajzave të reja socialiste që ndajini të dashurit demokrat. Unë nuk e kam thënë tamam kështu. Por po e përsëris që e kam thënë dhe po e them që kështu duhet të jetë. Nëse ka, se ka këtu vajza që kanë simpatizantë demokrat që iu afrohen duhet t’i bëjnë provën e karakterit, për në Europë apo për në kënete. Nëqoftëse ai thotë unë të dua shumë, hajde me mua në kënete, si i thua ati? Mirë shpirti, po vij me ty të mbytem. Jo, ti e kupton që ai s’është mirë. I thua hajde se po të marr nesër dhe nuk ia hap më telefonin, të shkojë të mbytet vetë”,-tha Rama./CNA





Lajmet e fundit nga