web counter
LEXO PA REKLAMA!

SHKARKO APP

App Store
Google Play

Thirrje publike Urdhrit të Psikologut

21 Prill 2025, 20:27, Politikë CNA

Thirrje publike Urdhrit të Psikologut

Drejtuesi politik i PD-së për Tiranën i është drejtuar një sërë personazheve dhe institucioneve me një thirrje publike për të reaguar në lidhje me deklaratat e Ramës i cili orienton të rinjtë se si të kërkojnë fotot e tij nudo në internet.

Thirrjen publike të radhës Këlliçi ia ka bërë Urdhrit të Psikologut.

Këlliçi bën thirrje që të kërkohet menjëherë tërheqja e një mesazhi të tillë dhe propagandimi publik i kërkimit të nuditetit nga fëmijët në internet, duke e quajtur një faktor tejet dëmtues për zhvillimin e tyre normal dhe psikologjik.

Po ashtu thotë se duhet të kërkohet ndalimi i përdorimit të fëmijëve si audiencë e detyruar në fushata zgjedhore, aq më tepër kur bëhen subjekt bisedash për të rritur.

Reagimi i Këlliçit

Thirrje publike Urdhrit të Psikologut!

Në dritën e fakteve të fundit mbi thirrjet skandaloze të kryeministrit të vendit për fëmijët që të kërkojnë dhe të shohin fotot e tij nudo, duke konsideruar detyrën tuaj publike dhe profesionale, gjykoj të arsyeshme që opinioni publik të presë një reagim tuajin.

- Të kërkohet menjëherë dhe pa asnjë dyshim tërheqja e një mesazhi të tillë dhe propagandimi publik i kërkimit të nuditetit nga fëmijët në internet, si faktor tejet dëmtues për zhvillimin e tyre normal dhe psikologjik.

- Të kërkohet ndalimi i përdorimit të fëmijëve si audiencë e detyruar në fushata zgjedhore, aq më tepër kur bëhen subjekt bisedash për të rritur.

- Të dënohet në mënyrë bindëse kërkesa e kryeministrit për të nxitur vajzat 18 vjeçare të përdorin joshjen personale për vota. Asnjë lidhje fizike dhe emocionale nuk mund të nxitet për qëllime politike. Ky është diskriminim gjinor dhe shfrytëzim nga pushteti.

Një deklaratë e tillë do ishte në nderin dhe profesionalizmin tuaj, si përfaqësues të psikologëve të të gjithë Shqipërisë.

Asgjë më pak se kaq!

Heshtja apo më keq aprovimi i këtyre sjelljeve barbare, dëmtuese dhe të sëmura do ishte turpi i institucionit që ju përfaqësoni dhe vlerave që pretendoni të mbani lart në shoqërinë shqiptare./ CNA





Lajmet e fundit nga