web counter
LEXO PA REKLAMA!

SHKARKO APP

App Store
Google Play

Deklaratat e Ramës/ Këlliçi i drejtohet publikisht kreut të komitetit të Vëllazërisë Ungjillore të Shqipërisë

21 Prill 2025, 18:30, Politikë CNA

Deklaratat e Ramës/ Këlliçi i drejtohet publikisht kreut

Drejtuesi politik i PD-së për Tiranën, Belind Këlliçi i është drejtuar me një thirrje publike kryetarit të komitetit të Vëllazërisë Ungjillore të Shqipërisë, Ergest Biti.

Në zgjedhjet lokale të vitit 2023, si institucion reaguan kundër posterit të tij ndaj famëkeqit Erion Veliaj, ndërsa sot Këlliçi i pyet nëse kanë ndonjë reagim për shembullin skandaloz, amoral dhe kundër çdo parimi fetar të Edi Ramës i cili u kërkon të rinjve të kërkojnë në internet fotot e tij nudo.

“Thirrje për Ergest Bitin, kryetarin e komitetit të Vëllazërisë Ungjillore të Shqipërisë!!!

Në zgjedhjet lokale të vitit 2023, ju si institucion folët kundër “sharjeve banale” dhe thatë se “fëmijët tanë nuk kanë nevojë për shembuj banalitetesh”.

E gjitha kundër “gishtit të mesit kundër korrupsionit”, posterit tim ndaj famëkeqit Erion Veliaj.

A keni ju si person sot një reagim për shembullin skandaloz, amoral dhe kundër çdo parimi fetar të Edi Ramës i cili sot u kërkon të kërkojnë në internet fotot e tij nudo?!

A duhen mbrojtur fëmijët nga përdorja e tyre në fushatë në mënyrën më të keqe të mundshme, duke u kërkuar të kërkojnë imazhe nudo të politikanëve në Google?!

Ne flasim për edukim familjar, për pedagogji, për tutelim të fëmijëve nga bota e errët e internetit.

Po për çfarë morali dhe mbrojtje mund të flasim ne kur vetë kryeministri jep shembullin më të ulët?!

Së fundmi, ju drejtohem me vargjet e pavdekshme të të madhit Azem Shkreli: Sikur të shiheshim me veten sy më sy, kishim për t’u puth apo pështy?

Pres me padurim përgjigjen tuaj i nderuar!”, shkruan Këlliçi./ CNA

Deklaratat e Ramës/ Këlliçi i drejtohet publikisht kreut

 





Lajmet e fundit nga