web counter
LEXO PA REKLAMA!

SHKARKO APP

App Store
Google Play

Belind Këlliçi: Thirrje publike ish-myftiut të Tiranës, Ylli Gurra!

21 Prill 2025, 17:53, Politikë CNA
Belind Këlliçi: Thirrje publike ish-myftiut të Tiranës,
Ish-myftiu Ylli Gurra

Drejtuesi politik i PD-së për Tiranën, Belind Këlliçi i është drejtuar me një thirrje publike ish-myftiut të Tiranës Ylli Gurra.

Këlliçi kujton reagimin e ish-myftiut kundër tij, kur publikoi postin me gishtin e mesit kundër korrupsionit duke e quajtur acivilizim, ndërsa kërkon të dijë nëse ka ndonjë reagim për deklaratat e Ramës i cili orienton të rinjtë si të gjejnë fotot e tij nudo apo që vajzat shqiptare 18-vjeçare të bëhen “dashnore” për hir të votës dhe lidhjet e tyre emocionale, joshjen fizike, t’i vënë në shërbim të partisë socialiste.

“I nderuar Ylli, unë Belind Këlliçi mbaj mend një reagim tëndin shumë të “skandalizuar” për gishtin e mesit kundër korrupsionit, posterin tim gjatë fushatës elektorale, kundër tashmë të burgosurit Erion Veliaj në zgjedhjet lokale të vitit 2023.

Poster të cilin e quajte “acivilizues”!!!

Unë dua të besoj që reagimi yt vinte nga një moralizim i sinqertë dhe jo nga një përdorim politik i radhës nga pronari faktik i inceneratorit Tiranë dhe kreu i 5D!

Ylli, a ke ndonjë reagim SOT mbi thirrjet skandaloze, antinjerëzore, amorale, të kryeministrit të Shqipërisë, për të miturit që të shikojnë në Google fotot e tij nudo?!

A ka rast më flagrant se ky për çdo qytetar, prind apo njeri të Zotit që të ngrihet kundër këtij turpi dhe degradimi të shoqërisë shqiptare?

A ke ndonjë reagim t’i edhe për deklaratat e tij të çmendura që vajzat shqiptare 18-vjeçare të bëhen “dashnore” për hir të votës dhe lidhjet e tyre emocionale, joshjen fizike, t’i vënë në shërbim të partisë socialiste?!

Pres me padurim një përgjigje dhe një reagim tëndin, në interes të opinionit publik dhe të qytetërimit tonë të përbashkët”, shkruan Këlliçi./ CNA

 

Belind Këlliçi: Thirrje publike ish-myftiut të Tiranës,





Lajmet e fundit nga