web counter
LEXO PA REKLAMA!

SHKARKO APP

App Store
Google Play

Afera e inceneratorëve/ Këlliçi: Për shkak të prokurorit të dështuar Dritan Prençi, nuk ka akuzë për Veliajn

22 Prill 2025, 10:15, Politikë CNA

Afera e inceneratorëve/ Këlliçi: Për shkak të

Drejtuesi politik i PD-së për Qarkun e Tiranës, Belind Këlliçi, i ftuar në "Syri TV" në emisonin “Kafe shqeto” nga Flavio Qarri është ndalur tek afera e inceneratorëve.

Këlliçi tha se për shkak të Dritan Prençit, një prokuror i dështuar, nuk ka asnjë akuzë për Veliajn, Ramën apo Agaçin.

Më tej Këlliçi tha se Veliaj ka një mbrojtje okulte nga Fatmir Xhafaj dhe shpreson se kësaj afere nuk do t’i shkohet deri në fund.

“Xhafaj konsiderohet në PS si babai i reformës në drejtësi. Konsiderohet si njeriu që udhëhiqte një skemë të tërë përgjimi dhe shantazhi ndaj politikës dhe biznesit në një prej ndërtesave luksoze, ku u gjetën materiale. I duhet mbrojtje ligjore kreut të '5D'-së në këtë moment.

 Për shkak të një prokurori të dështuar që quhet Dritan Prençi sot nuk ka asnjë akuzë për Erion Veliajn, Ramën dhe Ëngjëll Agaçin. Nuk e di njeri se çfarë ka bërë '5D'.

Veliaj, për sa kohë ka një mbrojtje okulte nga Fatmir Xhafaj, shpreson se këto nuk do të shkojnë deri në fund. E gjitha një skemë merimange e mirëmenduar nga një grup që ka pasur pushtet kriminal në PS. Kjo dyshe e destinuar të jetë bashkë, kur bie njëri bie dhe tjetri. Pa diskutim Rama është regjisori i goditjes së Veliajt, sepse i interesonte”, tha Këlliçi./ CNA





Lajmet e fundit nga