web counter
LEXO PA REKLAMA!

SHKARKO APP

App Store
Google Play

E fundit!

x

“Vullnet Sinaj e cilëson veten si njeriu i Veliajt në Vlorë”/ Gazetari Fundo zbulon “trafikimin” e votave brenda PS-së

22 Prill 2025, 10:03, Politikë CNA

“Vullnet Sinaj e cilëson veten si njeriu i Veliajt në

Gazetari Elvi Fundo, i ftuar në "Syri TV" në emisonin “Kafe shqeto” nga Flavio Qarri, ka folur për fenomenin e shkëmbimit të votave që po ndodh në kampin socialist mes kandidatëve.

Fundo tha se brenda Partisë Socialiste kandidatët janë duke u "therur” me njëri-tjetrin për marrjen e votave. Kjo gjë, tha gazetari, po ndodh në Vlorë mes Sinajt, Gjiknurit dhe Pirro Vëngut.

Fundo tha se gjithastu një luftë e ashpër po zhvillohet edhe në kampin socialist në Korçë.

Më tej, gazetari Elvi Fundo zbuloi dhe lidhjet e kandidatit Vullnet Sinaj me krybashkiakun e ndodhur në qelinë e Durrësit, Erion Veliaj.

Fundo tregoi se kompania “Big Market” në pronësi të Vullnet Sinajt menaxhohet në marketing nga kompania "Gogel" e Arbër Veliajt.

Po ashtu, gazetari Elvi Fundo tregoi se vetë Vullnet Sinaj nëpërmjet Fatmir Xhafajt lidhet dhe me Erion Veliajn dhe e cilëson veten si njeriu i Veliajt në Vlorë.

“Një angazhim destruktiv. Ka një betejë të brendshme, ka qenë dhe më përpara. Tani e dimë angazhimin e drejtorëve të dosjes '5D' në zgjedhjen e Fatmir Xhafajt. Kërkohet nga Tirana në Vlorë vota për Vullnet Sinajn dhe Sinaj do t’ia kthejë këto vota në Tiranë Xhafajt. Kemi dhe detajin që ky deputeti do ikte nga politika. Tani jo vetëm ka hyrë në politikë, por po kërkon dhe të bëjë trafik të brendshëm votash.

Janë duke u 'therur', nuk është vetëm Vlora që po theret ky 'Latifi' me Gjiknurin dhe Pirro Vëngun. E njëjta gjë po ndodh edhe në Korçë. Individë të caktuar brenda PS-së po trafikojnë vota me njëri-tjetrin.

Përveç Fatmir Xhafajt, kompania në pronësi të Vullnet Sinajt menaxhohet në marketing nga vëllai i Erion Veliajt, Arbër Veliaj me kompaninë 'Gogel'. Vetë Vullnet Sinaj lidhet nëpërmjet Fatmir Xhafajt dhe e cilëson veten si njeriu i Veliajt në Vlorë”, tha Fundo./ CNA





Lajmet e fundit nga