web counter
LEXO PA REKLAMA!

SHKARKO APP

App Store
Google Play

“Siguria ushqimore, çështje e sigurisë kombëtare”/ Muçollari: Qeveria e ka trajtuar AKU-në si plaçkë lufte

22 Prill 2025, 11:48, Politikë CNA

“Siguria ushqimore, çështje e sigurisë

Kandidati i Partisë Demokratike për Tiranën, Grigels Muçollari, ka qenë i pranishëm në takimin për sigurinë ushqimore të organizuar nga koalicioni “PD-ASHM”.

Në fjalën e tij, Muçollari tha se qeveria nuk ka bërë asgjë për sigurinë ushqimore dhe e ka trajtuar AKU-në si plaçkë lufte. Institucioni i AKU-së, tha Muçollari, herë u jepej aleatëve të qeverisë e herë bandave.

Më tej Muçollari tha se PD do të ndërmarrë disa reforma në lidhje me sigurinë ushqimore dhe AKU-në, për të cilën tha se do ndryshojë emrin.

“Pasiguria ushqimore, pasiguria më e frikshme që po bën kërdinë në familjet tona. Për ta ilustruar papërgjegjshmërinë e një qeverie që nuk ka bërë asgjë në 1 dekadë, do të paraqesim denoncime, raportime nga institucione të BE-së, raportime nga ekspertë.

Qeveria e ka trajtuar AKU-në si plaçkë lufte që herë pas here u jepej aleatëve, e herë banditëve. Ky institucion ka një tufë gjobëvënës që e kanë dështuar, mungesa e vëmendjes së qeverisë jo vetëm ka rrezikuar jetën tonë, por dhe produktet e fermerëve që kthehen mbrapsht nga BE-ja. Nuk ka gjë më të trishtë sa të mos i ofrosh asistencë një fermeri të krijojë produkte 'Made in Albania'. Një instalacion për të qetësuar nervat e kryeministrit ka kushtuar 5 milionë euro. 0 fonde për laborator, 0 fonde për rritjen e sigurisë ushqimore. Jemi në kushtet e një emergjence kombëtare. PD angazhohet ta kthejë çështjen e sigurisë ushqimore në çështje të sigurisë kombëtare.

Do rithemelojmë AKU-në si institucion të sigurisë kombëtare. Ndryshimi fillon nga emri, duke e quajtur AKSU, Agjencia Kombëtare e Sigurisë Ushqimore.

Do të garantojmë fermerët që produktet e tyre të jenë të vlerësuara dhe të shitura në BE dhe jo të kthyera”, tha Muçollari./ CNA





Lajmet e fundit nga