Deklaratat e "Top Channel", përgjigjja e Ramës për Xhafajn në "Klan"

12 Tetor 2024, 16:17, Politikë CNA

Deklaratat e "Top Channel", përgjigjja e Ramës për

Fatmir Xhafaj dhe Edi Rama

Fatmir Xhafaj doli në emisionin “Opinion” në Tv Klan dhe quajti media të kriminalizuar "Top Channel".

“Midis krimit, biznesit, grupeve të biznesit në këtë fushë dhe medias të kriminalizuar…”, këto ishin fjalët e Xhafajt që sollën menjëherë një reagim nga televizioni ortak me inceneratorët "Top Channel".

Në reagimin e "Top Channel", ndër të tjera thekson se “Xhafaj duhet të pastroj të shkuarën e tij”.

“Ky reagim i ish Ministrit të Brendshëm, Fatmir Xhafajt ndaj televizionit kombëtar Top Channel, pas 6 vitesh transmetimi të dokumentarit Inside Story, nuk është aq i rastësishëm. Dalja publike përkon me ambicjen e re politike të cilën Xhafaj e ka shpalosur kohët e fundit nëpërmjet një komisioni të posaçëm anti-korrupsion, që brenda radhëve të socialistëve shihet si një rikthim i ish Ministrit të Brendshëm.

E për të arritur këtë, Xhafaj duhet të pastroj të shkuarën e tij, ku Inside Story ka një rol të pashmangshëm. Dokumentari, për të cilën Xhafaj i referohet me zhargonin e gjobëvënies, reflekton një mllef të mbartur, një argument shterp, një akuzë penale, përballë dhjetra fakteve të publikuara në dokumentarin e vitit 2018”, thuhet në përgjigjen e Top Channel ndaj Xhafajt.

Xhafaj për "Top Channel": Media e kriminalizuar/ I përgjigjet televizioni
10 Tetor, 22:02

Kjo duket qartazi që është përgjigjja e Edi Ramës ndaj Fatmir Xhafajt.

Fatmir Xhafaj, i cili nga emisioni “Opinion” në “Klan” i ktheu një përgjigje të drejtpërdrejtë kryeministrit duke i thënë se ai nuk e kishte mbrojtur aq sa duhet, nuk kishin folur prej shumë kohësh bashkë, kishte mbajtur një qëndrim për vendosjen në listë, përtej dorëheqjes së Xhafajt që sipas ish-ministrit e kishte mësuar vetëm kur i kishte shkuar dokumenti.

Reagimi i "Top Channel" më shumë se sa reagimi i një televizioni ndaj një ish-ministri duket të jetë përgjigjja e Ramës ndaj Xhafajt.

Xhafaj qartësisht në intervistë e tij i tha kryeministrit se ai e kishte shitur, e kishte lëshuar, nuk e kishte vënë në listë, s’kishin komunikuar, por tani kishte ardhur radha që t’i kthente shpërblimin pasi Xhafaj kishte dhënë më shumë seç kishte marrë.

Dhe menjëherë erdhi përgjigjja e "Top Channel"-it, televizionit në ortakëri me grupin e strukturuar kriminal të inceneratorëve, që në mënyrë të drejtëpërdrejtë iu përgjigj Xhafajt me akuza të forta dhe qartazi duket një përgjigje e kryeministrit Rama ndaj ish-ministrit të tij, për t’i thënë që ti e ke vendin aty ku të kam lënë unë dhe asgjë më shumë se sa kaq./ CNA