web counter
LEXO PA REKLAMA!

SHKARKO APP

App Store
Google Play

E fundit!

x

“Ofrojmë qeveri të pakorruptuar”/ Synimet e Agron Shehajt

11 Tetor 2024, 22:46, Politikë CNA
“Ofrojmë qeveri të pakorruptuar”/ Synimet e Agron Shehajt
Deputeti Agron Shehaj

Deputeti Agron Shehaj ka krijuar partinë e tij pas ndarjes nga PD.

“Mundësia” e Agron Shehajt është partia e cila synon që të ofrojë një qeveri të pakorruptuar.

I ftuar në emisionin “Log”, Shehaj është shprehur se sipas analizave, synon që partia e tij të ketë një grup parlamentar në Kuvend në zgjedhjet e ardhshme.

“Ne synojmë të ofrojmë një qeveri të pakorruptuar. Pjesa më e madhe e popullsisë mendon se zgjedhjet janë kthyer në formalitet. Kundër kësaj qeverie fitohet me besim.

Në momentin që do i bindim qytetarët që jemi të besueshëm për një qeveri të pakorruptuar njerëzit do vijnë nga pas.

Është një projekt afatgjat. Nëse situata është shumë e rëndë zgjidhja nuk mund të vijë nga dita në ditë. Rasti më i keq për ne do të jetë se do të duhet shumë më shumë punë.

Do të isha qesharak nëse do të thosha se në zgjedhjet e ardhshme do të fitojmë. Ne kemi synim të vijmë në pushtet, por jemi të vetëdijshëm se kjo do punë dhe kohë. Kemi një qëllim shumë ambicioz në zgjedhjet e ardhshme dhe sipas analizave tona, jemi sot që flasim partia e dytë opozitare pas PD dhe synojmë minimalisht të krijojmë një grup parlamentar”, tha ai./ CNA





Lajmet e fundit nga