web counter
LEXO PA REKLAMA!

SHKARKO APP

App Store
Google Play

E fundit!

x

“4.2 milionë euro shpërdorim”/ Muçollari akuza Veliajt: Korrupsion në projektin e zgjerimit të autostradës Tiranë-Durrës

12 Tetor 2024, 14:42, Politikë CNA
“4.2 milionë euro shpërdorim”/ Muçollari akuza
Anëtari i Kryesisë në PD, Grigels Muçollari

Anëtari i Kryesisë në PD, Grigels Muçollari ka akuzuar kryebashkiakun Erion Veliaj për korrupsion në zgjerimin e aksit Tiranë-Durrës, pasi kryebashkiaku shpërdoroi 4.2 milionë euro për të blerë pisha dhe palme, duke e ditur se punimet për autostradën do të bëheshin dhe lekët do të shkonin dëm, pasi pemët janë shkulur.

"Kjo është njëra prej x pishave që janë shkulur pasi do të bëhet zgjerimi i rrugës, Tiranë-Durrës. Vetëm një e tillë u ka kushtuar taksapaguesve të Tiranës, 6mijë e 800 euro.

Të gjitha pishat bashkë, janë blerë nga Erjon Veliaj, me 3.3 milionë euro. Ndërkohë që më parë, kishin shkuar dëm, ishin shperdoruar me të njëjtën shkujdesje dhe nën të njëjtën skemë korrupsioni 900 mijë euro me palmat, të cilat u thanë, për shkak të klimës.

4.2 milionë euro dëm, të shpërdoruara nga buxheti, të konstatuara edhe nga raportet e KLSH.

E gjitha kjo, ka ndodhur, edhe pse kishte një projekt që në vitin 2014, të miratuar nga Drejtoria e Rrugëve, për ta bërë këtë zgjerim.

Erjon Veliaj e dinte se këto punime do të bëheshin, dhe paratë do të shkonin dëm. E sërish, bleu një pishë me 6 mijë e 800 euro. Ai ka përgjegjësi për këtë abuzim.

Ky është korrupsion.Kemi mësuar se Ministria e Drejtësisë ka paguar 360 milionë lekë, nga taksat e shqiptarëve, për konsulencë të huaj për të luftuar korrupsionin.

Ja ku e kanë një rast në mes të ditës, në sy të të gjithëve.Kur do të nisë Spaku hetimin për këtë krim financiar?

Kur do të reagojnë kolegët e Erjon Veliajt në drejtësinë e re, të cilët paguhen nga shqiptarët për të bërë pikërisht këtë punë, për të vënë para ligjit shpërdoruesit e fondeve publike?", denoncoi Muçollari.

Demokrati kërkoi reagimin e qytetarëve, për të mbajtur Veliajn përgjegjës për aferat që shtohen dita-ditës në bashki.

"Ndaj njerëzit duhet të reagojnë, duhet të ngrenë zerin. Këto janë pasuri të qytetarëve, janë taksat e tyre", tha Muçollari. / CNA





Lajmet e fundit nga