web counter
LEXO PA REKLAMA!

SHKARKO APP

App Store
Google Play

E fundit!

x

Celibashi: Emri i Bashës si kryetar në fletën e votimit është mashtrim

14 Mars 2023, 23:22, Politikë CNA
Celibashi: Emri i Bashës si kryetar në fletën e votimit
Kreu i KQZ-së, Ilirjan Celibashi

Kreu i KQZ-së, Ilirjan Celibashi ka folur mbrëmjen e sotme për mosregjistrimin e Partisë Demokratike në zgjedhjet e 14 majit.

Gazetari Blendi Fevziu e pyeti nëse e sheh si mashtrim listimin e emrit të Lulzim Bashës si kryetar i PD-së në fletën e votimit, ndërsa Celibashi ra dakord me këtë pikëpamje.

“Jam plotësisht dakord me narrativën tuaj, ndaj absolutisht të njëjtën pikëpamje, por ajo çfarë ka më shumë rëndësi dhe që prevalon përpara çdo lloj parimi apo principi, është zbatimi i ligjit. E ka zgjidhur ligji, ka vendosur ligji çfarë është e drejtë. E them sinqerisht, kam gjithë keqardhjen për këtë situatë. E kuptoj shumë mirë, e kam aftësinë për të kuptuar rëndësinë e këtij momenti, por në fund të fundit duhet të zbatohet ligji. Nëse zbaton ligjin  nuk dëmton pluralizmin e as strukturat e demokracisë”, u shpreh ai.

Fevziu e pyeti më tej se cila është zgjidhja për këtë situatë të krijuar, ndërsa kreu i KQZ-së deklaroi:

“Duhet që të ishte rregulluar. Edhe sot kishin kohë. Ia thashë përfaqësuesit të Partisë Demokratike me kryetar Lulzim Bashën, që nëse kanë interes për ta adresuar këtë çështje, mund të merrnin gjithë kohën dhe nuk rrezikonin asgjë”./ CNA.al





Lajmet e fundit nga